ტელესკოპ „ევკლიდეს“ პირველი სატესტო ფოტოები გამოქვეყნდა

ევროპულმა კოსმოსურმა სააგენტომ (ESA) ტელესკოპ „ევკლიდეს“ გადაღებული სატესტო ფოტოები გამოაქვეყნა. ამის შესახებ CNN-ი იტყობინება.

ტელეარხის ცნობით, ფოტოები აჩვენებს, რომ ტელესკოპის ყველა ინსტრუმენტი გამართულად მუშაობს. მეცნიერები იმასაც კი ვარაუდობენ, რომ ტელესკოპის მუშაობა შეიძლება მათ მოლოდინებსაც გადააჭარბოს.

„დარწმუნებული ვარ, „ევკლიდეს“ გუნდი წარმატებული იქნება თავის მისიაში კიდევ უფრო მეტი აღმოაჩინოს სამყაროს 95%-ის შესახებ, რომელზეც დღეს ასე ცოტა რამ ვიცით“, - აცხადებს ESA-ს გენერალური დირექტორი ჯოზეფ აშბახერი.

სააგენტომ „ევკლიდეზე“ მუშაობა 2012 წელს დაიწყო, თუმცა ასეთი ობსერვატორიის შექმნის იდეა ჯერ კიდევ 2008 წელს გაჩნდა. ტელესკოპი დედამიწის ორბიტაზე ივლისის დასაწყისში გაიყვანეს. მისი მისია კოსმოსში ბნელ მატერიასა და ბნელ ენერგიას ძიებაა.

ბნელი მატერია არის მატერიის ფორმა, რომელიც გალაქტიკებისა და სამყაროს უდიდესი სტრუქტურების ფორმირებას ახდენს. ის ჩვეულებრივი მატერიის ნაწილაკებს ერთმანეთისკენ იზიდავს. ბნელი მატერია დიდი აფეთქების პირველივე წამს წარმოიქმნა. როგორც ცნობილია, დაკვირვებადი სამყაროს 27% სწორედ ბნელი მატერიისგან შედგება.