imedi /  14 მარტი 2017, 12:03 / სანდო წყარო

რუსთავში გამათბობლების შემოწმება დაიწყო

რუსთავი

რუსთავში კომპანია "სოკარ გაზმა" წყლის გამათბობლების შემოწმება დაიწყო. კომპანიის წარმომადგენლები მოსახლეობის უსაფრთხოებისთვის კარდაკარის პრინციპით ყველა ოჯახს ესტუმრებიან. "სოკარ გაზი" რუსთავის ზედამხედველობის სამსახურთან ერთად მოსახლეობის ბუნებრივი აირის გაყვანილობებსა და მოწყობილობებს  მე-18 მიკრო რაიონში ამოწმებს. "ჩვენთვის მნიშვნელოვანია ადამიანების ჯანმრთელობა და უსაფრთხოება", - ამბობენ კომპანიის წარმომადგენლები.

რუსთავში წყლის გამათბობლების შემოწმების შესახებ განცხადება გუშინ გაკეთდა. ბოლო პერიოდში ბუნებრივი აირით მოწამვლის 150 ფაქტი დაფიქსირდა, საიდანაც 8 შემთხვევა ადამიანის გარდაცვალებით დასრულდა.

გაზრდილ სტატისტიკასთან დაკავშირებით, რამდენიმე დღის სპეციალური განცხადებები გაავრცელეს ენერგოომბუდსმენმა და "სოკარ-ჯორჯია გაზმა". 

კომენტარები ()