Imedi /  08 აგვისტო 2019, 16:00 / სანდო წყარო

ვატო წერეთელი ვარაუდობს, რომ პროკურატურას ავთანდილ წერეთლის წინააღმდეგ საქმის აღძვრა სურს

ვატო წერეთელი

ვატო წერეთელი

„ერთი კითხვის დასმა ვცადე, მაინტერესებდა, ვინ იყო მომჩივანი და ვინ დაზარალებული მხარე, რაზეც ვერც პასუხი მივიღე და მოსამართლემაც გამაჩერა, რომ კითხვების დასმის უფლება არ მაქვს“, - განაცხადა ბიზნესმენ ავთანდილ წერეთლის შვილმა, ტელეკომპანია „პირველის“ მფლობელმა ვატო წერეთელმა სასამართლოში, დაკითხვიდან გამოსვლის შემდეგ.

მისივე თქმით, დაკითხვაზე გამოძახებას ტელეკომპანია „პირველს“ უკავშირებს, რადგან „შეტევა ადრეც ყოფილა“.   

წერეთლის თქმით, კითხვები დაუსვეს 11 წლის წინანდელი ტრანზაქციის შიდა დეტალებზე, რაზეც განაცხადა, რომ შიდა დეტალები მისთვის უცნობია. 

ვატო წერეთელი ვარაუდობს, რომ პროკურატურას ავთანდილ წერეთლის წინააღმდეგ საქმის აღძვრა სურს. 

„სამწუხაროდ, ჯერ ადამიანებს წაუყენეს ბრალი და შემდეგ დამიბარეს გამოკითხვაზე, რაც წარმოუდგენელი რამ არის“, განაცხადა ბიზნესმენ ავთანდილ წერეთლის შვილმა, ტელეკომპანია „პირველის“ მფლობელმა ვატო წერეთელმა სასამართლოში, დაკითხვაზე შესვლის წინ.

„შევალ და ვეცდები, ყველა კითხვას გავცე პასუხი. დაკითხვის შემდეგ, ვრცლად ვისაუბრებ“, - განუცხადა ვატო წერეთელმა ჟურნალისტებს.

მასთან ერთად საქალაქო სასამართლოში ასევე მივიდა ტელეკომპანიის ჟურნალისტი ინგა გრიგოლია, რომელმაც ჟურნალისტებს განუცხადა, რომ ვახტანგ წერეთლის დაკითხვაზე დაბარება სწორედ ტელეკომპანია „პირველს“ უკავშირდება.  

ბიზნესმენ ავთანდილ წერეთლის შვილი ვახტანგ (ვატო) წერეთელი დღეს ხაზარაძე-ჯაფარიძის საქმეზე სასამართლოში მაგისტრატი მოსამართლის თანდასწრებით დაიკითხება. 

შესაბამისი განცხადება პროკურატურამ 6 აგვისტოს გაავრცელა.  თავად ვატო წერეთელმა კი სოციალურ ქსელში გამოაქვეყნა პოსტი. 

„სამგორი თრედისა“ და „სამგორი M“-ის მფლობელი ავთანდილ წერეთელი პროკურატურამ 2019 წლის მარტში დაკითხა.

როგორც პროკურატურის მიერ გავრცელებულ განცხადებაში ეწერა, გამოძიებით დადგენილია, რომ 2008 წლის აპრილში და მაისში, შპს „სამგორი თრეიდმა“ და შპს „სამგორი M”-მა, ,,თიბისი ბანკისგან", სათანადო უზრუნველყოფის გარეშე, დაჩქარებული წესით მიიღეს, საერთო ჯამში, 17 მილიონ აშშ დოლარამდე სესხი.

ამ საქმესთან დაკავშირებით ვატო წერეთელმა სოციალურ ქსელში რამენჯერმე გამოაქვეყნა პოსტი, რომელშიც ის გაკვირვებას გამოთქვამდა, თუ რატომ არ დაკითხეს პროკურატურაში, რადგან ორი კომპანიიდან, რომლის გარშემოც მოვლენები ვითარდებოდა, წილებს სწორედ ის ფლობდა. 

სასამართლომ მამუკა ხაზარაძესა და ბადრი ჯაფარიძეს აღკვეთის ღონისძიების სახით თითოეულს 700 000 ლარიანი გირაო შეუფარდა. როგორც ცნობილია პროკურატურა მილიონიან გირაოს მოითხოვდა.

საქართველოს გენერალური პროკურატურა „თიბისი ბანკის საქმეზე“ გამოძიებას უკანონო შემოსავლის ლეგალიზაციის ფაქტზე აწარმოებს. საუბარია 17 მილიონ დოლარზე. 

8 იანვარს ცნობილი გახდა, რომ გენერალურმა პროკურატურამ მიმდინარე გამოძიების ფარგლებში „თიბისი ბანკიდან" გარკვეული დოკუმენტაცია ამოიღო.

9 ივლისს კი გაირკვა, რომ მამუკა ხაზარაძე საზოგადოებრივ მოძრაობას აფუძნებს.

26 ივლისს ცნობილი გახდა, რომ საქართველოს გენერალური პროკურატურის მიერ „თიბისი ბანკის საქმეზე“ დაწყებული გამოძიების გამო, ბადრი ჯაფარიძემ და მამუკა ხაზარაძემ ანაკლიის მმართველი საბჭოს თავმჯდომარისა და თავმჯდომარის მოადგილის თანამდებობის დატოვების გადაწყვეტილება მიიღეს.

ყველა სიახლე

ქიბარ ხალვაში

19 აგვისტო 2019, 19:58

საქართველო

ქიბარ ხალვაში „რუსთავი 2“-ს აღარ ყიდის

სამაუწყებლო კომპანია „რუსთავი 2“ არ გაიყიდა - ამის შესახებ განცხადებას არხის მფლობელი ქიბარ ხალვაში ავრცელებს. ტელევიზიის აქციების 100%-იანი წილის მფლობელის განცხადებით, რთული ფინანსური მდგომარეობის დაძლევას ის საკუთარი ძალებით შეეცდება. „კომპანიის გაჯანსაღებისათვის უახლოეს პერიოდში შევიმუშავებ კონკრეტულ სამოქმედო გეგმას, რომელსაც აუცილებლად განვახორციელებთ და მივაღწევთ დასახულ მიზანს!“, - ამბობს ხალვაში.

19 აგვისტო 2019, 19:34

მსოფლიო

კუნძულ სარდინიაზე ქვიშის მოპარვის გამო ფრანგ წყვილს პატიმრობა ემუქრება

წყვილი აცხადებს, რომ მათ ქვიშის წაღება სუვენირად სურდათ და არ იცოდნენ, რომ დანაშაული ჩაიდინეს. გამოცემის ცნობით, კუნძულ სარდინიის ცნობილი თეთრი ქვიშა საზოგადოების საკუთრებად მიიჩნევა და მისი კუნძულიდან გატანა მკაცრად იკრძალება. პოლიციამ თეთრი ქვიშა პოლიეთილენის 14 ბოთლში იპოვა. სასჯელი 1-დან 6 წლამდე თავისუფლების აღკვეთას ითვალისწინებს.

მიხეილ სააკაშვილი

19 აგვისტო 2019, 19:34

ტაბლოიდი

სააკაშვილმა სავარაუდოდ „კურიერისთვის“ განკუთვნილი ტექსტი შეცდომით ფეისბუკზე გამოაქვეყნა

საქართველოს ყოფილმა პრეზიდენტმა მიხეილ სააკაშვილმა საკუთარ „ფეისბუკზე“ შემთხვევით გამოაქვეყნა ტექსტი, რომლის თანახმად, ის სავარაუდოდ, „რუსთავი 2“-ის ეთერში გასაშვები მასალის ტექსტს ათანხმებს. პოსტში სააკაშვილი „ვარშავის გეგმის“ პირველ 5 ნაბიჯზე წერს, რასაც მოჰყვება ტექსტი.

ნილ კემპბელი

19 აგვისტო 2019, 19:24

სპორტი

ბრიტანელი ნილ კემპბელი მსოფლიოს ყველაზე სწრაფი ველოსიპედისტი გახდა

რეკორდული მაჩვენებელი ინგლისში, ჩრდილოეთ იორქშირის ავიაბაზის ასაფრენ ბილიკზე სპეციალური კონსტრუქციის ველოსიპედით დაფიქსირდა. სიჩქარის შესამოწმებლად გამოიყენება ავტომობილი, რომელიც ველოსიპედის წინ მიდის და პირქარის ზეგავლენას გამორიცხავს.

19 აგვისტო 2019, 19:19

ვიდეო

ბახმაროში, ფესტივალზე „სანსეტ სეტი“ მიმავალი ავტომანქანა ციცაბო ფერდობიდან დაგორდა

„პუშკაშის პრემია“

19 აგვისტო 2019, 18:39

სპორტი

ფიფამ წლის 10 საუკეთესო გოლი დაასახელა

ფეხბურთის ასოციაციათა საერთაშორისო ფედერაციამ (FIFA) 2019 წლის საუკეთესო გოლის პრემიის პრეტენდენტები დაასახელა. 2018 წელსსაუკეთესო გოლისთვის ფერენც პუშკაშის სახელობის ჯილდო „ლივერპულის“ ეგვიპტელმა ფორვარდმა მოჰამედ სალაჰმა მიიღო. კენჭისყრა 1 სექტემბრამდე გაგრძელდება.

19 აგვისტო 2019, 18:36

ეკონომიკა

ლიეტუვაში, ლატვიასა და ესტონეთში საქართველოს პოპულარიზაციის კამპანია დაიწყო

უწყების ინფორმაციით, კამპანია ზაფხულის, შემოდგომისა და ზამთრის სეზონებს მოიცავს და საქართველოს კურორტებს პოპულარიზაციას გაუწევს. საიმიჯო ვიდეორგოლები ბალტიისპირეთის ქვეყნების სატელევიზიო არხებით გადაიცემა. გარდა ამისა, კამპანია სოციალურ მედიაში რეკლამასა და გარე ბანერების განთავსებას მოიცავს.

19 აგვისტო 2019, 18:11

საქართველო

საპენსიო სააგენტო მოსახლეობას კიბერთაღლითობის შესახებ აფრთხილებს

„სააგენტოს ოფიციალური ვებ-გვერდის მისამართია pensions.ge, სადაც საბანკო მონაცემების შეყვანა არ არის გათვალისწინებული. საპენსიო ანგარიშის შესამოწმებლად საჭიროა მხოლოდ პირადი ნომერი და დამსაქმებლის მიერ მოწოდებული საწყისი ერთჯერადი პაროლი", - აღნიშნულია უწყების განცხადებაში.

კერსტი კალიულაიდი

19 აგვისტო 2019, 18:07

საქართველო

ესტონეთის პრეზიდენტმა გუგუტიანთკარში მიმდინარე მოვლენები დაგმო

„დღეს ვესაუბრე საქართველოს პრეზიდენტს სალომე ზურაბიშვილს, რათა კიდევ ერთხელ მეთქვა, რომ ესტონეთი გმობს საქართველოსა და ოკუპირებულ სამხრეთ ოსეთს შორის საოკუპაციო ხაზზე მიმდინარე ე.წ. ბორდერიზაციას. საერთაშორისო თანამეგობრობა არ შეეგუება საქართველოს ნაწილობრივ ოკუპაციას“, - წერს კერსტი კალიულაიდი Twitter-ზე.

ჯენიფერ ენისტონი, რიზ უიზერსპუნი

19 აგვისტო 2019, 17:55

კულტურა

სერიალ „დილის შოუს“ ტრეილერი გამოქვეყნდა. ვიდეო

სერიალში მთავარ როლებს ჯენიფერ ენისტონი, რიზ უიზერსპუნი და სტივ ქარელი ასრულებენ. „დილის შოუ“ დილის გადაცემის წამყვანებისა და ჟურნალისტების პროფესიული და პირადი შესახებ მოგვითხრობს. ცნობილია, რომ Apple-მა სერიალის 2 სეზონის გადაღება დააანონსა, თითოეულ სეზონში 10 სერია იქნება და ის ექსკლუზიურად Apple TV Plus-ზე გავა.

ბიუჯეტირება

19 აგვისტო 2019, 17:52

საქართველო

საქართველოს 5 მუნიციპალიტეტში მონაწილეობითი ბიუჯეტირების საკითხზე ტრენინგი გაიმართა

საქართველოს 5 მუნიციპალიტეტში - ახალქალაქში, ხაშურში, ქედაში, ლანჩხუთსა და ფოთში თვითმმართველობის თანამშრომლებისა და შესაბამის რეგიონებში მოქმედი მედიის წარმომადგენლებისთვის ტრენინგი – „ადგილობრივი თვითმმართველობა და მოქალაქეთა მონაწილეობა ბიუჯეტირების პროცესში“ – გაიმართა.

ლუკ კილერი

19 აგვისტო 2019, 17:50

სპორტი

კრივში ევროპის ჩემპიონმა მაკგრეგორი პაბში ასაკოვანი კაცის ცემის გამო ბრძოლაში გამოიწვია

ირლანდიელმა მოკრივემ ლუკ კილერმა თავისი თანამემამულე, შერეული ორთაბრძოლების (MMA) მებრძოლი კონორ მაკგრეგორი პაბში ასაკოვანი კაცის ცემის გამო ბრძოლაში გამოიწვია. ამის შესახებ გამოცემა Irish Boxing-ი წერს. როგორც ლუკ კილერი Twitter-ზე წერს, მაკგრეგორმა ორი წლის წინ მის მეგობარსაც სცემა.

დუეინ ჯონსონი დაქორწინდა

19 აგვისტო 2019, 17:27

ტაბლოიდი

„ფორსაჟის“ მსახიობი დაქორწინდა

ცნობილი მსახიობი, „ფორსაჟის“ ერთ-ერთი მთავარი გმირი დუეინ ჯონსონი თავის პარტნიორზე, ლორენ ჰაშიმანზე დაქორწინდა, რომელთანაც მრავალწლიანი სასიყვარულო ურთიერთობა აკავშირებდა. წყვილმა ქორწილი 18 აგვისტოს, ჰავაიზე გადაიხადა. წვეულებიდან მისი და მეგობრებთან ერთად გადაღებული ფოტოები ჯონსონმა სოციალურ ქსელში გაავრცელა.

19 აგვისტო 2019, 17:25

სპორტი

ლაშა გობაძის შესრულებული გდება ევროპის ჩემპიონატზე საუკეთესოდ აღიარეს. ვიდეო

ლაშა გობაძის შესრულებული გდება ევროპის ჩემპიონატზე საუკეთესოდ აღიარეს, - ინფორმაციას საქართველოს ჭიდაობის ეროვნული ფედერაცია მსოფლიო ჭიდაობის ფედერაციაზე დაყრდნობით ავრცელებს. „გდება“ სპეციალური სპორტული ტერმინია ჭიდაობაში.

დავით ზალკალიანი

19 აგვისტო 2019, 17:18

საქართველო

ზალკალიანმა ეუთოს თავმჯდომარეს გუგუტიანთკარზე დეტალური ინფორმაცია მიაწოდა

საქართველოს საგარეო საქმეთა მინისტრმა დავით ზალკალიანი გუგუტიანთკარში მიმდინარე პროცესებთან დაკავშირებით საგანგებო სატელეფონო საუბარი გამართა ეუთოს მოქმედ თავმჯდომარესთან, სლოვაკეთის რესპუბლიკის საგარეო და ევროპულ საქმეთა მინისტრთან, მიროსლავ ლაიჩაკთან და ბარიერების აღმართვის უკანონო პროცესის განახლებასთან დაკავშირებით ინფორმაცია მიაწოდა.

ემზარ კვიციანი

19 აგვისტო 2019, 17:14

საქართველო

ომბუდსმენი ემზარ კვიციანს რეკომენდაციას აძლევს

ასადოვის საჩივარში მითითებული იყო, რომ 2019 წლის 21 იანვარს საქართველოს პარლამენტის ადამიანის უფლებების დაცვისა და სამოქალაქო ინტეგრაციის კომიტეტის მიერ შექმნილი სამუშაო ჯგუფის სხდომაზე დეპუტატმა სამუშაო შეხვედრისას მირტაგი ასადოვის მიმართ დისკრიმინაციული გამონათქვამი გამოიყენა.

ოსკარი

19 აგვისტო 2019, 17:04

კულტურა

ბუკმეკერებმა 2020 წლის ოსკარის დაჯილდოების მთავარი ფავორიტები დაასახელეს

ბუკმეკერებმა 2020 წლის ოსკარის დაჯილდოებმათი ინფორმაციით, საუკეთესო კაცი მსახიობის ჯილდოს დიდი ალბათობით ხოაკინ ფენიქსი, ფილმ Joker-ში შესრულებული როლისთვის მიიღებს. მის გამარჯვებაზე ფსონები 9/4-იანი კოეფიციენტით მიიღება. ფენიქსის კონკურენტები ტომ ჰენქსი, ტარონ ეგერტონი და ანტონიო ბანდერასი იქნებიან.

ომარ ალ-ბაშირი

19 აგვისტო 2019, 16:39

მსოფლიო

სუდანის პროკურატურა: ალ-ბაშირმა საუდის არაბეთისგან მილიონობით დოლარის მიღება აღიარა

სუდანში ქვეყნის ყოფილი პრეზიდენტის ომარ ალ-ბაშირის წინააღმდეგ სასამართლო პროცესი დაიწყო. BBC-ის ინფორმაციით, სასამართლო პროცესზე გამომძიებელმა განაცხადა, რომ ალ-ბაშირმა საუდის არაბეთისგან მილიონობით დოლარის მიღება აღიარა. პროკურატურა მას კორუფციაში ადანაშაულებს.

დავით გარეჯი

19 აგვისტო 2019, 16:31

საქართველო

საქართველო-აზერბაიჯანის ორმხრივმა კომისიამ დავით გარეჯში საველე სამუშაოები დაგეგმა

დაიგეგმა საველე სამუშაოები: ერთობლივი აზომვები საზღვრის შეუთანხმებელ მონაკვეთებზე და მათი დათვალიერება. 19-23 აგვისტოს პერიოდში ექსპერტები ერთობლივად გაივლიან ცალკეულ მონაკვეთებს და დაგეგმავენ შემდეგ ეტაპზე დარჩენილი შეუთანხმებელი მონაკვეთების მონახულებას.

19 აგვისტო 2019, 16:30

მსოფლიო

კანარის კუნძულებზე ხანძრის გამო ევაკუირებულთა რიცხვი 8000-მდე გაიზარდა

შაბათს ქალაქ ტეხედას მახლობლად გაჩენილ ხანძარს რამდენიმე კერა აქვს. ცეცხლის გავრცელებას ხელს ჰაერის მაღალი ტემპერატურა და ძლიერი ქარი უწყობს. ხანძარი კუნძულის ცენტრალურ ნაწილში მთებშია გაჩენილი და ჯერჯერობით სანაპირო ზოლზე დამსვენებლებს საფრთხეს არ უქმნის.