ტრამპი ჩინეთისთვის დამატებითი ტარიფების დაწესებას აპირებს

ამერიკის შეერთებული შტატების პრეზიდენტმა დონალდ ტრამპმა ჩინეთის წინააღმდეგ დამატებით 100 მილიარდი დოლარის ოდენობის საქონელზე ტარიფების დაწესება გადაწყვიტა. ინიციატივის განხილვა მან თეთრი სახლის ადმინისტრაციას უკვე დაავალა. ამის შესახებ BBC წერს.

იმ შემთხვევაში, თუ გადაწყვეტილება ძალაში შევა, ჩინეთისთვის უკვე დაწესებულ 50 მილიარდის ღირებულების ტარიფებს ჩინურ იმპორტზე კიდევ 100 მილიარდი დაემატება.

„რამდენიმე თვე რჩება, სანამ ორივე მხარის მიერ დააანონსებული ტარიფები შევა ძალაში. ჩვენ იმედი გვაქვს, ჩინეთი სწორ გადაწყვეტილებას მიიღებს“, – განაცხადა სარა სანდერსმა.

თეთრი სახლის ლიდერი აცხადებს, რომ "სავაჭრო ომი" კარგია და ამ ომში გამარჯვებული აშშ იქნება.

ამერიკის შეერთებული შტატების პრეზიდენტის, დონალდ ტრამპის გადაწყვეტილების საპასუხოდ, ჩინეთი აშშ-დან იმპორტირებულ 128 დასახელების საქონელზე გაზრდილ გადასახადებს აწესებს.

მანამდე დონალდ ტრამპმა ჩინეთის წინააღმდეგ კომლექსური სავაჭრო ზომების მიღების შესახებ ბრძანებას ხელი მოაწერა. ზომებს შორისა ტარიფების დაწესება მთელ რიგ ჩინურ საქონელზე, რომელთა საერთო ბრუნვა 60 მილიარდი დოლარია. აგრეთვე შეზღუდვები დაწესდება ჩინურ ინვესტიციებზე. 

თეთრი სახლის ლიდერის განმარტებით, მან პეკინისგან 100 მილიარდი დოლარით სავაჭრო დეფიციტის "დაუყოვნებლივ" შემცირება მოითხოვა. ტრამპი ორმხრივ ვაჭრობაში მთავარ პრობლემად სწორედ მუდმივად მზარდ დეფიციტს მიიჩნევს.

მანამდე კი ცნობილი გახდა, რომ აშშ ევროკავშირს ლითონის ტარიფისგან დროებით გაათავისუფლებს.