არგენტინის ჯანდაცვის სამინისტრომ მოსახლეობას პანდემიის დროს უსაფრთხო სექსის შესახებ რჩევები მისცა

არგენტინის ჯანდაცვის სამინსიტროს წარმომადგენელმა ქვეყნის მოსახლეობას კორონავირუსის პანდემიის პირობებში უსაფრთხო სექსის შესახებ რჩევები მისცა. ამის შესახებ Reuters-ი წერს.

გამოცემის ინფორმაციით, ექიმმა ხოსე ბარლეტამ ტელემიმართვაში აღნიშნა, რომ მთავარი წესი სექსის შემდეგ ხელის დაბანაა, როგორც ფიზიკური, ასევე ვირტუალური კონტაქტის დროს.

„ახლა სექსუალური ურთიერთობის შემდეგ ხელის დაბანა იმაზე მნიშვნელოვანია, ვიდრე ოდესმე იყო, ასევე მასტურბაციის ან ვირტუალური სექსის დროს. მნიშვნელოვანია სევე კლავიატურის, ტელეფონის, სექს-სათამაშოების და სხვა ნებისმიერი გამოყენებული ობიექტების დეზინფექცია“, - აღნიშნა ბარლეტამ.

არგენტინაში 20 მარტიდან კარანტინი მოქმედებს. ქვეყანაში კოროანვირუსის 2 669 შემთხვევა დადასტურდა, 122 ადამიანი კი გარდაიცვალა.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა. რა უნდა ვიცოდეთ საგანგებო მდგომარეობის შესახებ, წაიკითხეთ აქ.