ლეონარდო დიკაპრიო ამაზონის ტყეს $5 მილიონით დაეხმარება

მსახიობ ლეონარდო დიკაპრიოს გარემოსდაცვითი ორგანიზაცია ამაზონის ტყეს, სადაც რამდენიმე კვირაა ხანძარია, $5 მილიონი აშშ დოლარით დაეხმარება.  

BBC-ის ინფორმაციით , ორგანიზაცია Earth Alliance-ი თანხას ამაზონის ჯუნგლების დასაცავად მომუშავე ადგილობრივ ორგანიზაციებსა და აბორიგენებს გადასცემს. 

დიკაპრიომ Instagram-ზე დაწერა, რომ ღრმად შეშფოთებულია ამაზონის ჯუნგლებში არსებული კრიზისით, რომელიც გავლენას ახდენს კლიმატზე, ბიომრავალფეროვნებასა და აბორიგენების კეთილდღეობაზე. მსახიობმა საზოგადოებას ამაზონის ტყის დასახმარებლად ქველომქმედებისკენ მოუწოდა. 

 

 

 

 

View this post on Instagram

 

 

 

 

 

 

 

 

 

#Regram #RG @earthalliance #EarthAlliance, launched in July by @LeonardoDiCaprio, Laurene Powell Jobs, and Brian Sheth, has formed an emergency Amazon Forest Fund with a commitment of $5 million dollars to focus critical resources for indigenous communities and other local partners working to protect the life-sustaining biodiversity of the Amazon against the surge of fires currently burning across the region. Join Us. 100 percent of your donation will go to partners who are working on the ground to protect the Amazon. Earth Alliance is committed to helping protect the natural world. We are deeply concerned about the ongoing crisis in the Amazon, which highlights the delicate balance of climate, biodiversity, and the wellbeing of indigenous peoples. To learn more or to donate, please visit ealliance.org/amazonfund (see link in bio) Photos: @chamiltonjames, @danielbeltraphoto 2017

A post shared by Leonardo DiCaprio (@leonardodicaprio) on Aug 25, 2019 at 6:51am PDT

ბრაზილიას ამაზონის ტყის ჩაქრობაში „დიდი შვიდეულის“ ქვეყნებიც დაეხმარებიან, ისინი 22 მილიონ დოლარს გამოყოფენ. 

კოსმოსური კვლევის ეროვნული ინსტიტუტის (INPE) მონაცემების მიხედვით, წელს ამაზონის ჯუნგლებში ხანძრების რეკორდული რაოდენობა დაფიქსირდა. კერძოდ, ხანძრის შემთხვევები წინა წელთან შედარებით 83%-ით გაიზარდა. ბოლო ერთი კვირის განმავლობაში კი ამაზონის ჯუნგლებში 9,500-მდე ხანძრის კერა გაჩნდა. ხანძრისგან გამოწვეულმა კვამლმა ბრაზილიის ყველაზე დიდ ქალაქამდე - სან პაულომდეც მიაღწია.

ბუნებისდამცველები ხანძრებში ბრაზილიის პრეზიდენტს, ჟაირ ბოლსონარუს ადანაშაულებენ. მათი განცხადებით, მიწის ცეცხლის საშუალებით გასაწმენდად ფერმერები პრეზიდენტმა წაახალისა. NASA ს ინფორმაციით, ამაზონის ჯუნგლებში ხანძრები ადამიანების ჩარევითაა გამოწვეული. 

ბრაზილიის პრეზიდენტი, ჟაირ ბოლსონარუ კი ამაზონის ტყეში ხანძრის გაჩენაში არასამთავრობო ორგანიზაციებს სდებს ბრალს. 

ხანძრის გამო ევროკავშირმა ბოლსონარუზე ზეწოლა გააძლიერა, ირლანდიამ და საფრანგეთმა განაცხადეს, რომ შესაძლოა სამხრეთ ამერიკასთან სავაჭრო ხელშეკრულება დაბლოკონ. სწორედ ამის შემდეგ უარყო ბოლსონარომ განცხადება, რომ სხვა ქვეყნებს ბრაზილიის საშინაო საქმეებში ჩარევა სურთ. მოგვიანებით,  მან ხანძრის ქრობის პროცესში ჯარი ჩართო. 

„დედამიწის ფილტვებად“ წოდებულ ამაზონის ტყეში ბოლო ათწლეულების მანძილზე ყველაზე ძლიერი ხანძარი უკვე მე-20 დღეა მძვინვარებს. მას ასეულობით მეხანძრე და სპეციალური ტექნიკა ებრძვის, თუმცა ამ დრომდე ცეცხლს ვერ აქრობენ.