ამერიკელები ფიქრობენ, რომ მელანია ტრამპი მეამბოხეა

ბოლო დღეებში, ამერიკული პრესა აქტიურად განიხილავს დონალდ და მელანია ტრამპების ცოლ-ქმრულ ურთიერთობას. პირველი ლედის მეუღლისადმი დამოკიდებულება აქტუალური ტრამპის გაპრეზიდენტებისთანავე გახდა, მაგრამ ბოლო დღეებში მედია ამ თემას პრეზიდენტის პრონოვარსკვლავებთან შესაძლო კავშირის გამო დაუბრუნდა. იანვარში ამერიკის პრეზიდენტის ინაუგურაციიდან 1, ხოლო მეუღლესთან ქორწინებიდან 13 წელი გავიდა.

“მელანია ტრამპმა წლისთავი იმით აღნიშნა, რომ ინაუგურაციის დღეს Twitter-ზე ერთადერთი, ისიც საკუთარი ფოტო ატვირთა, რომელიც მან საზღვაო ქვეითთან ერთად გადაიღო. ამ ფოტოზე მისი ქმარი არ ჩანს. ის ტექსტშიც არაა ნახსენები”, - წერს The New York Times-ში გამოქვეყნებულ სტატიაში CNN-ის ჟურნალისტი კეიტ ანდერსენ ბრაუერი, რომელიც ასევე წიგნის First Women: The Grace and Power of America'sModern First Ladies ავტორია.
 

This has been a year filled with many wonderful moments. I’ve enjoyed the people I’ve been lucky enough to meet throughout our great country & the world! 🇺🇸 pic.twitter.com/MMRi72ENd0

— Melania Trump (@FLOTUS) January 20, 2018

ჟურნალისტი წერს, რომ ინაუგურაციის წლისთავიდან რამდენიმე დღეში, ტრამპების ქორწილის მე-13 წლისთავზე მელანია არ გაჰყვა ქმარს დავოსის ეკონომიკურ ფორუმზე: “შესაძლოა ის არაპროგრესულია, ან - აპოლიტიკური. მაგრამ მიუხედავად ამისა, მისის ტრამპს შეუძლია თავის წინამორბედებზე ბევრად მეტის გაკეთება იმ მხრივ, რომ ბოლო მოუღოს მოლოდინებს, თითქოს პირველი ლედი მეუღლესთან მონურ მორჩილებაში უნდა იყოს”.

ჟურნალისტი ფიქრობს, რომ ამის მიზეზი მელანია ტრამპს აქვს, და ეს მიზეზი ნამდვილად პირადი ხასიათისაა. მაგალითად ტრამპმა თავის დროზე განაცხადა, რომ ცოლს “ერთი კვირა მისცა” იმისთვის, რომ მშობიარობის შემდეგ წონაში დაეკლო. ამასთან, მას მოუწია ქმრის დაცვა მას შემდეგ რაც გამოქვეყნდა სკანდალური ვიდეო, რომელზეც მილიარდერი ქალებთან ურთიერთობის თემაზე ტრაბახობს.

“ჰილარი კლინტონი იყო პირველი პირველი ლედი, რომელმაც პრეზიდენტად იყარა კენჭი, მაგრამ მიუხედავად ამ ნაბიჯის პროგრესულობისა და რევოლუციური ხასიათისა, მან მხარი დაუჭირა თავის ქმარს მას შემდეგ, რაც ამ უკანასნკნელმა აღიარა რომ თეთრი სახლის პრაქტიკანტთან, მონიკა ლევინსკისთან კავშირი ჰქონდა. და ეს გააკეთა თავისი ტკივილისა და დამცირების მიუხედავად”.

ბრაურერი მელანია ტრამპს ამ მხრივ უფრო მიშელ ობამას ამსგავსებს, რომელმაც ინტერვიუში თქვა, რომ უყვარს თავისი ქმარი, მაგრამ “ის იდეალური არ არის”.

მელანიას ჩუმი ბუნტი მაშინ გამოვლინდა, როდესაც მან გადაწყვიტა ქმრის არჩევიდან ხუთი თვის განმავლობაში არ გადასულიყო საცხოვრებლად თეთრ სახლში. “ტრამპმა ძალა მოიკრიბა, როდესაც მელანიამ მეუღლეს ხელი ჰკრა შარშან ისრაელის აეროპორტში. იმ დროისთვის, როდესაც ტრამპები თეთრ სახლს დატოვებენ მისის ტრამპმა შეიძლება იმაზე მეტი გააკეთოს, ვიდრე თავისი წინამორბედების უმრავლესობამ იმ მხრივ, რომ შეცვალოს ჩვენი წარმოდგენები ამ არქაულ “სტატუსზე”, რომელსაც არ ახლავს მოვალეობათა ჩამონათვალი, ანაზღურება და იმავდროულად წარმოუდგენელ მოლოდინებს გულისხმობს”, - წერს სტატიის ავტორი.