მარია ზახაროვა: ლონდონს სიურპიზს ვუმზადებთ

რუსეთის საგარეო საქმეთა სამინისტროს ოფიციალური წარმომადგენლის მარია ზახაროვას შეფასებით, ბრიტანეთის ხელისუფლება „სკრიპალის საქმეში“ შავი პიარის მეთოდს იყენებს, ასევე პროვოკაციებით და ავანტიურით არის დაკავებული. ამის შესახებ ზახაროვამ ტელეკომპანია Россия 1-ის ეთერში განაცხადა.

„საკუთარი თეორიის დამტკიცება არ შეუძლიათ, ამიტომ გადავიდნენ მსოფლიო მასშტაბის ანტირეკლამასა და შავი პიარის კონცეფციაზე. ეს უდიდესი პროვოკაციაა. მეტსაც ვიტყვი: ეს არის უდიდესი ავანტიურა“,- განაცხადა ზახაროვამ.

მისი თქით, რუსეთისა და ჰიტლერის გერმანიასთან პარალელის გავლების გამო უახლოეს დროში ლონდონს „სიურპრიზი“ ელოდება.

21 მარტს, დიდი ბრიტანეთის საკანონმდებლო ორგანოში გამოსვლისას ჯონსჯონმა რუსეთში გასამართი სპორტული ღონისძიება 1936 წლის ჰიტლერის ოლიმპიურ თამაშებს შეადარა. 

პარლამენტში გამოსვლისას ბორის ჯონსონმა მსოფლიო თასის მიმდინარეობისას ინგლისელი სპორტსმენების უსაფრთხოების აუცილებლობაზეც ისაუბრა.

სერგეი სკრიპალი და მისი შვილი იულია 4 მარტს დიდი ბრიტანეთის ქალაქ სოლსბერის სავაჭრო ცენტრში უგონო მდგომარეობაში იპოვეს და საავადმყოფოში გადაიყვანეს. მალევე სერგეი და იულია სკრიპალების მოწამვლის შემდეგ ტერეზა მეიმაც გააკეთა განმარტება და რუსი ჯაშუშის ნერვულ-პარალიტიკური ნივთიერებით მოწამვლაში რუსეთი დაადანაშაულა. 

14 მარტს ცნობილი გახდა, რომ დიდი ბრიტანეთი რუსი ჯაშუშის სერგეი სკრიპალის საქმის გამო, ქვეყნიდან 23 რუს დიპლომატს გააძევებდა. მანამდე საფრანგეთმა, გერმანიამ და ამერიკის შეერთებულმა შტატებმა მოსკოვს ექსპოლკოვნიკის მოწამვლასთან დაკავშირებულ ყველა კითხვაზე პასუხის გაცემისკენ მოუწოდეს.