სირიაში აშშ-სა და რუსეთის ძალების პირველი ბრძოლის დეტალები ცნობილია

თებერვლის დასაწყისში, სირიის პროვინცია დეირ-აზ-ზორში პრეზიდენტი ბაშარ ასადის მხარდამჭერებს, (რომელთან ერთადაც იბრძოდნენ რუსი დაქირავებული მებრძოლები) და მეამბოხეებს შორის (რომელსაც მხარს უჭერდნენ ამერიკელი სამხედროები) ბრძოლა შედგა.  25 მაისს, გამოცემა The New York Times-მა ბრძოლის სურათი აღადგინა, რაც სირიაში ამერიკული და რუსული ძალების დაჯახების პირველი ღია მაგალითი გახდა. 

"რუსების მეთაურებმა დაგვარწმუნეს, რომ იქ მათი ხალხი არ იყო"

დეირ-აზ-ზორი ევფრატის სხვადასხვა ნაპირზე მდებარეობს და იანვრის ბოლოს ორივე მხარეს "ისლამური სახელმწიფოს" წინააღმდეგ საბრძოლო ოპერაციები ერთდროულად ტარდებოდა. ერთ ოპერაციას ახორციელებდნენ ამერიკელი სამხედროები, მეორეს - რუსები.

აშშ-სა და რუსეთის სამხედრო მოსამსახურეები სირიაში რეგულარულად ცვლიდნენ ინფორმაციას სპეციალური არხებით, რათა თავიდან აეცილებინათ შეტაკება. ასე იყო დეირ-აზ-ზორში. The New York Times-ის წყაროები აცხადებენ, რომ ამერიკელებმა რუსეთის მხარე რამდენჯერმე გააფრთხილეს: შეიარაღების მაღალი კონცენტრაცია ერთ რეგიონში პოტენციურად საშიშია. 

პასუხად, რუსული მხარე აცხადებდა, რომ არ შეუძლიათ გავლენა მოახდინონ ასადის მხარდამჭერებზე, რომლებიც ოპერაციას ატარებენ. გაზეთის რესპონდენტები ამტკიცებენ: საუბრების შიფრი აჩვენებდა, "სირიული"დანაყოფების ჯარისკაცები ერთმანეთში რუსულად ლაპარაკობენ. ამერიკული დაზვერვის ცნობით, ამ დანაყოფებში მართლაც იყვნენ სირიელები, მაგრამ ძირითად ნაწილს რუსი დაქირავებული მეომრები შეადგენდნენ - სავარაუდოდ დაჯგუფება "ვაგნერი".

"სირიაში რუსული ჯარის უმაღლესი სარდლობა ირწმუნებოდა, რომ იქ მათი ხალხი არ იყო", - განაცხადა აშშ-ის სენატში უშიშროების მინისტრმა ჯეიმს მეტისმა. მისი თქმით, მან ამ შეიარაღებული ფორმირებების განადგურების ბრძანება მისცა, და ეს ასეც მოხდა. 

ამერიკელები თავდასხმის შეჩერებას სთხოვდნენ 

7 თებერვალს, დაახლოებით 30 საზღვაო ამერიკელი ქვეითი და სამხედრო ამბოხებულებთან ერთად ნავთობქარხანა Conoco-ს მახლობლად, პოზიციაზე იმყოფებოდა. მათგან რამდენიმე კილომეტრში აშშ-ის სპეცდანიშნულების არმია დრონებითა და სადამკვირვებლო კამერით, აწოდებდნენ Conoco-სთან მდგარ სამხედროებს ინფორმაციას. 

15:00 საათზე, ნავთობქარხანასთან გაჩნდა ასადის დაახლოებით 500-მდე მომხრე და 27 სამხედრო ტექნიკის ერთეული, მათ შორის ტანკები და ჯავშანტრანსპორტიორი. ამერიკულმა მხარემ მოქმედებაში მოიყვანა საჰაერო ძალები. მხარდამჭერთა ბაზაზე 15-კაციანი დაჯგუფება შეიქმნა, რომლებიც მზად იყვნენ მისულიყვნენ მებრძოლების დასახმარებლად ნავთობქარხანასთან. 

22:30 საათზე, ასადის მომხრეები, ამერიკელებისა და მეამბოხეების პოზიციებზე, შეტევაზე გადავიდნენ.

როგორც The New York Times-ი წერს, ბრძოლის პირველი 15 წუთი ამერიკელები რუსულ მხარეს დაუკავშირდნენ და სთხოვეს, რომ თავდასხმა შეეჩერებინათ, თუმცა ასადის მომხრეებმა ოპერაცია გააგრძელეს. 

ბრძოლაში ავიაცია ჩაერთო

როდესაც მიხვდნენ, რომ თავდასხმა გრძელდება, ამერიკულმა ძალებმა საბრძოლო ადგილას ავიაცია გააგზავნა, მათ შორის ბომბდამშენი B-52, მძიმე დამრტყმელი რაკეტები AC-130, ვერტმფრენები AH-64, დრონები და გამმანადგურებლები. 3 საათის განმავლობაში, ისინი ასადის მომხრეების პოზიციებს ბომბავდნენ. 

ნავთობქარახანასთან ასევე გაემართა დამხმარე ბაზაც. სამხედროები გამორთული განათებით მოძრაობდნენ და მხოლოდ თერმულ ტექნიკას იყენებდნენ.

01:00 საათისთვის, დამხმარე ბაზა ნავთობქარხანასთან მივიდა. გაერთიანებული ძალებით, დაახლოებით 40 ამერიკელმა სამხედრომ ცეცხლი გაუხსნა თავდამსხმელებს. ერთი საათის შემდეგ, ასადის მებრძოლებმა უკან დახევა დაიწყეს. რამოდენიმე მათგანი შემდეგ ბრძოლის ველზე დაბრუნდა, რათა დაღუპულების ცხედრები წაეღოთ. 

შედეგი

დაღუპულების ზუსტი რაოდენობა უცნობია. რუსულმა მხარემ ოფიციალურად გამოაცხადა მხოლოდ 4 გარდაცვლილი მებრძოლის შესახებ და რამდენიმე დაჭრილზე. სირიის სამხედროებმა 100 გარდაცვლილზე გაავრცელეს ინფორმაცია. სხვადასხვა წყაროებმა მთლიანობაში 300-მდე მსხვერპლი დათვალეს. 

თავდასხმის მოტივებიც ბოლომდე გაუგებარია. ერთ-ერთი ვერსიით, რუს დაქირავებულ მეომრებს კონტროლი უნდა დაემყარებინათ ნავთობგადამამუშავებელ ქარხანაზე. ვარაუდობენ, რომ მათ ნავთობის გაყიდვით რაღაც წილი ეკუთვნით. 

ამერიკელების მხრიდან არცერთი სამხედრო არ დაშავებულა.

სირიის ომის შესახებ ვრცლად ინფორმაცია იხილეთ ბმულზე.