ინდონეზიაში ჩამოვარდნილი თვითმფრინავის შავი ყუთი იპოვეს

ინდონეზიაში ავიაკომპანია Lion Air-ის ბოინგის 737 MAX 8-ის შავი ყუთი იპოვეს. ამის შესახებ სამხედრო-საზღვაო ძალებზე დაყრდნობით Detik News-ი წერს.

მედიის ცნობით, შავი ყუთი 32 კილომეტრის სიღრმეში წყალქვეშ იმ ადგილთან ახლოს იპოვეს, სადაც ავიაკატასტროფა მოხდა. 

პარალელურად ცხედრების ამოცნობის პროცესი დაიწყო. გუშინ პირველი მსხვერპლი ამოიცნეს.

ინდონეზიაში კატასტროფა თვითმფრინავმა Boeing 737 MAX 8-მ განიცადა, რომლის ბორტზეც 189 ადამიანი იყო. ყველა დაიღუპა. ლაინერით მიფრინავდა 181 მგზავრი, მათ შორის ორი ბავშვი და ერთი ჩვილი, ასევე ორი პილოტი და ეკიპაჟის ექვსი წევრი.

ავიაკომპანია Lion Air-ის თვითმფრინავი იავანის ზღვაში, კუნძულ იავას დასავლეთ სანაპიროდან 15 კილომეტრში, 30-35 მეტრამდე სიღრმეში ჩავარდა. JT-610 რეისთან კავშირი მალევე გაწყდა მას შემდეგ რაც თვითმფრინავი ჯაკარტის აეროპორტიდან აფრინდა (ის ინდონეზიური პროვინციის ბანკა-ბელიტუნგის ქალაქ პალკანპინანგისკენ მიფრინავდა).

კატასტროფის წინ პილოტებმა დისპეტჩერებს შეატყობინეს, რომ ჯაკარტის აეროპორტში ბრუნდებოდნენ. არიან თვითმხილველები, რომლებმაც დაინახეს, თუ როგორ ჩავარდა თვითმფრინავი ზღვაში.