მსოფლიო ლიდერები ახალი ზელანდიის ტერაქტს ეხმიანებიან

ახალ ზელანდიაში განვითარებულ მოვლენებს მსოფლიო ლიდერები სოციალურ ქსელში გამოეხმაურნენ.

აშშ-ის პრეზიდენტმა დონალდ ტრამპმა მიკრობლოგ Twitter-ზე დაღუპულთა ოჯახებს თანაგრძნობა გამოუცხადა.

„49 ადამიანი ასე უაზროდ დაიღუპა. მრავალი ადამიანი კი დაშავდა. ამერიკის შეერთებული შტატები ახალი ზელანდიის გვერდით დგას და გააკეთებს ყველაფერს რაც შეუძლია,“ - წერს აშშ-ის პრეზიდენტი მიკრობლოგ Twitter-ზე.

My warmest sympathy and best wishes goes out to the people of New Zealand after the horrible massacre in the Mosques. 49 innocent people have so senselessly died, with so many more seriously injured. The U.S. stands by New Zealand for anything we can do. God bless all!

— Donald J. Trump (@realDonaldTrump) March 15, 2019

ახალ ზელანდიაში მომხდარ თავდასხმას დიდი ბრიტანეთის დედოფალიც გამოეხმაურა. ელიზაბედ მეორე აცხადებს, რომ დამწუხრებულია მომხდარით და დაღუპულთა ოჯახის წევრებსა და მეგობრებს სამძიმარს უცხადებს. 

„დამწუხრებული ვარ იმ საზარელი ამბებით, რაც დღეს ქალაქ ქრაისტჩარჩში მოხდა. პრინცი ფილიპი და მე დაღუპულთა ოჯახის წევრებსა და მეგობრებს ვუსამძიმრებთ“, - წერს დიდი ბრიტანეთის სამეფო ოჯახი მიკრობლოგ Twitter-ზე. 

The Queen has sent the following message to the people of New Zealand.

I have been deeply saddened by the appalling events in Christchurch today. Prince Philip and I send our condolences to the families and friends of those who have lost their lives...(1/2)

— The Royal Family (@RoyalFamily) March 15, 2019

ტერაქტისას დაღუპულთა ოჯახის წევრებს თანადგომა გამოუცხადა ევროკომისიის პრეზიდენტმაც. ჟან-კლოდ იუნკერი განმარტავს, რომ ევროპა ახალი ზელანდიელების გვერდით დგას და მათ წინააღმდეგ იბრძოლებს ვინც საზოგადოებაში ქაოსის შეტანას ცდილობს. 

It was with horror and profound sadness that I learnt of the terrorist attack on the #ChristchurchMosque. The European Union will always stand with #NewZealand and against those who heinously want to destroy our societies and our way of life. https://t.co/OPLLbRTg2h

— Jean-Claude Juncker (@JunckerEU) March 15, 2019

ახალ ზელანდიაში დატრიალებულ ტრაგედიას ეხმიანება თურქეთის პრეზიდენტი და განმარტავს, რომ მომხდარი ისლამოფობიის აღზევების შედეგია. 

„ვგმობ თავდასხმას, რომლის სამიზნეც მუსლიმები იყვნენ. ამ თავდასხმით ისლამოფობიის აღზევება, რომელსაც მსოფლიო უკვე დიდი ხანია, ადევნებს თვალს და ახალისებს კიდეც,“ - განაცხადა რეჯეფ თაიფ ერდოღანმა.

On behalf of my country, I offer my condolences to the Islamic world and the people of New Zealand, who have been targeted by this deplorable act - the latest example of rising racism and Islamophobia.

— Recep Tayyip Erdoğan (@RT_Erdogan) March 15, 2019

ბოლო ინფორმაციით, ახალ ზელანდიაში, ქალაქ ქრაისტჩარჩში, ორ მეჩეთზე თავდასხმის შედეგად 49 ადამიანი დაიღუპა და სულ მცირე, 20 დაშავდა. ახალი ზელანდიის პრემიერმინისტრმა თავდასხმას ტერორისტული აქტი უწოდა, რომელიც „მემარჯვენე ექსტრემისტმა“ ჩაიდინა. პოლიციის ინფორმაციით, დაკავებულია 4 ადამიანი, 3 კაცი და 1 ქალი.

ახალ ზელანდიაში განვითარებულ მოვლენებს გამოეხმაურნენ საქართველოს ხელისუფლების წარმომადგენლებიც.