imedi /  20 ივლისი 2019, 18:58 / სანდო წყარო

რა ქონებას ფლობდა ოქრუაშვილი, როდესაც მისი თქმით, ხალვაშს 7,7 მილიონი დოლარი ასესხა

ირაკლი ოქრუაშვილი

ირაკლი ოქრუაშვილი

ირაკლი ოქრუაშვილმა, რომელიც 2000 წლიდან 2007 წლამდე საჯარო მოხელე იყო და მაღალ სახელმწიფო თანამდებობებს იკავებდა, განაცხადა, რომ ბიზნესმენმა ქიბარ ხალვაშმა მისგან და მასთან აფილირებული პირებისგან 2005-2010 წლებში წლიური 10%-ით 7,7 მილიონი დოლარი ისესხა, რაც აისახა კიდეც 2010 წელს გაფორმებულ დოკუმენტში, რომელსაც ოქრუაშვილი ნამდვილს, ხალვაში კი გაყალბებულს უწოდებს. ამ ფაქტის საფუძველზე ყოფილი მაღალჩინოსანი „რუსთავი 2“-ის აქციების დაყადაღებას მოითხოვს და ამტკიცებს, რომ ტელევიზია არა ქიბარ ხალვაშს, არამედ მას ეკუთვნის.

2005 წლამდე ერთი წლით ადრე ირაკლი ოქრუაშვილი საქართველოს გენერალური პროკურორის რანგში დეკლარაციას ავსებს, რომლის თანახმად მაღალჩინოსანი ოფიციალურად ფლობს 22 ათას ლარად შეფასებულ ავტომანქანას, 123 ათას ლარად შეფასებულ ბინას თბილისში და 9 000 ლარად შეფასებულ ავეჯს. ეს ქონებრივი და ფინანსური დეკლარაცია ოქრუაშვილს 2004 წლის 30 აპრილს აქვს შევსებული.

რაც შეეხება საბანკო ანგარიშებს, იმავე დოკუმენტის თანახმად, ბანკ „რესპუბლიკაში“ გახსნილ VISA da VISA Electron ბარათებზე 3519 დოლარი და 986 ლარი ჰქონდა. მის მეუღლეს ირინა გორდელაძეს კი ამავე ბანკის VISA ბარათზე 356 დოლარი ჰქონდა.

ნაღდი ფულის სახით დეკლარაციაში ოქრუაშვილს 5280 დოლარი და 300 ლარი, მის მეუღლეს კი 11 300 დოლარი და 450 ლარი აქვს მითითებული. ასევე ოქრუაშვილის დეკლარაციაში მითითებული აქვს, რომ ის შპს „ლონდონგეიტ საქართველოს“ პარტნიორია.

2004 წლის 20 თებერვალს ირაკლი ოქრუაშვილს საქართველოს პრეზიდენტთან არსებულ „რეფორმირებისა და განვითარების ფონდთან“ ერთი წლის ვადით გრანტის ხელშეკრულება აქვს გაფორმებული, რომლის თანახმადაც კანონით მინიჭებული უფლებამოსილების ეფექტურად განხორციელებისთვის ის ყოველთვიურად 1200 დოლარს იღებდა, რამაც დეკლარაციის შევსების მომენტამდე მას მატერიალური შედეგის სახით 7079 ლარი მოუტანა.

საანგარიშო წლის განმავლობაში ოქრუაშვილმა 3200 დოლარად ავტომობილი გაასხვისა, მისმა მეუღლემ კი 300 დოლარად ტელევიზორი შეიძინა. რაც შეეხება საანგარიშო წლის განმავლობაში მიღებულ ანაზღაურებას, სხვადასხვა პოზიციებზე ოქრუაშვილმა და მისმა მეუღლემ ერთად 32 403 ლარი გამოიმუშავეს. 

რაც შეეხება მიზნობრივი ხარჯების ანაზღაურებას, საანგარიშო პერიოდში ოქრუაშვილმა მივლინების თანხების სახით 6562 ლარი, მისმა მეუღლემ კი 1671 დოლარი და 780 ლარი მიიღო.

ირაკლი ოქრუაშვილი „რუსთავი 2“-ის აქციების დაყადაღებას მოითხოვს. შესაბამისი მოთხოვნით მისმა უფლებადამცველებმა თბილისის საქალაქო სასამართლოს უკვე მიმართეს.

ადვოკატი გიორგი ზედელაშვილი ამბობს, რომ 2010 წელს შედგენილი დოკუმენტის მიხედვით „რუსთავი 2“-ის 100%-იანი წილი ირაკლი ოქრუაშვილმა ქიბარ ხალვაშის სახელით შეისყიდა, თუმცა კომპანიის დღევანდელი მფლობელი ამ დოკუმენტს არ აღიარებს და ამბობს, რომ ხელმოწერა გაყალბებულია.

სამაუწყებლო კომპანია „რუსთავი 2-ის“ ერთ-ერთმა დამფუძნებელმა დავით დვალმა საქართველოს პროკურატურას მიმართა და ირაკლი ოქრუაშვილის დაკითხვა მოითხოვა.

„საქართველოს პროკურატურა ეს ოქრო კაცი თავისი პირით იძახის - მეო, სახელმწიფო მოხელემო, ძალოვანი უწყების ხელმძღვანელმა დავითრიე ტელევიზიაო და მეტი რა ჯანდაბა მტკიცებულება გინდათ, რომ სახელმწიფომ წაგვართვა რუსთავი 2. დაკითხავთ? არა ხო?"- წერს დვალი Facebook-ზე.

თავად ოქრუაშვილს ბოლო ბრალდებებზე ჯერ არ უპასუხია.

სტრასბურგის სასამართლომ გააუქმა საქართველოს უზენაესი სასამართლოს გადაწყვეტილების აღსრულების შემაჩერებელი მექანიზმი. კერძოდ, 2017 წლის 2 მარტს საქართველოს უზენაესი სასამართლოს დიდმა პალატამ ტელეკომპანია „რუსთავი 2“ ქიბარ ხალვაშს მიაკუთვნა. იმავე წლის 3 მარტს კი, „რუსთავი 2“-ის მიმართვის საფუძველზე, სტრასბურგის სასამართლომ უზენაესი სასამართლოს გადაწყვეტილების აღსრულება შეაჩერა. სწორედ ამ აღსრულების შეჩერება გააუქმა სტრასბურგის სასამართლომ.

18 ივლისს ქიბარ ხალვაშმა „რუსთავი 2“-ის გენერალურ დირექტორად პაატა სალია დანიშნა, რომელმაც ამ პოზიციაზე ნიკა გვარამია შეცვალა. 

ყველა სიახლე

სოლსბერი

17 იანვარი 2021, 17:28

COVID19

ინგლისში, სოლსბერის ტაძარში ვაქცინაციის ცენტრი მოეწყო

სოლსბერის ტაძარი COVID19-ის საწინააღმდეგო ვაქცინაციის ცეტრად გადაიქცა. ერთ-ერთი პირველი, ვინც ვაქცინა გაიკეთა, სამეფო-საჰაეროს ძალების ვეტერანი იყო. სულ ამ ლოკაციაზე 80 წელს გადაცილებული ათასი ადამიანის აცრა იგეგმება.

ვაქცინაცია ინდოეთი

17 იანვარი 2021, 17:09

COVID19

ინდოეთში ვაქცინაციის პირველ დღეს 190 ათასი ადამიანი აცრეს

მთავრობა პირველ დღეს 300 ათასი მოქალაქის ვაქცინაციას გეგმავდა, თუმცა სპეციალურად ამ მიზნით შექმნილ აპლიკაციაში დაფიქსირებული ხარვეზის გამო, ბევრ მათგანს შესაბამისი შეტყობინება არ მიუღია. ამის მიუხედავად ჯანდაცვის სამინისტრო მიიჩნევს, რომ დღემ წარმატებულად ჩაიარა.

17 იანვარი 2021, 16:48

პოლიტიკა

პრეზიდენტი საპარლამენტო კომიტეტების თავმჯდომარეებს შეხვდა

საქართველოს პრეზიდენტმა სალომე ზურაბიშვილმა პარლამენტის საგარეო ურთიერთობათა და ევროპასთან ინტეგრაციის კომიტეტების თავმჯდომარეებთან: ნიკოლოზ სამხარაძესა და მაკა ბოჭორიშვილთან სამუშაო შეხვედრა გამართა.

ვახტანგ მეგრელიშვილი

17 იანვარი 2021, 16:42

პოლიტიკა

ვახტანგ მეგრელიშვილის განცხადებით, „სტრატეგია აღმაშენებლის“ ლიდერებთან შეხვედრას გეგმავს

„ჩვენ რაც გვინდა იმისთვის, გასაგებია, რომ ტექნიკურად საჭიროა, რომ ყველა შემოვიდეს პარლამენტში, მაგრამ ნებისმიერ შემთხვევაში ის, რომ პარლამენტი იყოს და იმისთვის, რომ იქ არც „ქართულ ოცნებას“ ჰქონდეს მორალური პრობლემა, რომ ვიღაცამ აჯობა და არც ოპოზიციას ჰქონდეს პრობლემა, რომ ვიღაცამ შეათრია ან მოისყიდა - საჭირო არის საზოგადოებისთვის გასაგები შეთანხმების მიღება და ისე რაღაც ახალი პროცესის დაწყება. თუ ეს შევძელით, ყველანი ვიქნებით ბედნიერები, თუ ეს ვერ შევძელით გამოჩნდება, რატომ ვერ შევძელით და ნებისმიერ შემთხვევაში საზოგადოებისთვის გასაგები გახდება პოლიტიკურ ველზე პარტიების მიზნები და ამოცანები”,- აღნიშნა ვახტანგ მეგრელიშვილმა.

დიდი შვიდეული სამიტი

17 იანვარი 2021, 16:42

მსოფლიო

„დიდი შვიდეულის“ ლიდერები 2 წლის განმავლობაში ერთმანეთს პირადად პირველად დიდ ბრიტანეთში შეხვდებიან

ღონისძიება 11-13 ივნისს, ინგლისში, ქალაქ კარბის-ბეიში ჩატარდება. სტუმრების სტატუსით „შვიდეულის“ ლიდერებს ავსტრალიის, ინდოეთის და სამხრეთ კორეის ხელმძღვანელები შეუერთდებიან.

იაგო ხვიჩა

17 იანვარი 2021, 16:08

პოლიტიკა

იაგო ხვიჩია: ოპოზიციაში არის ხალხი, რომელთა პოზიციებიც შეთანხმების პროცესს ხელს უშლის

„მრჩება განცდა, რომ იმ ხალხს ვინც არის პარლამენტის წევრი, პარლამენტში შესვლა და იქ მუშაობის გაგრძელება უნდა, უბრალოდ უნდათ გააკეთონ ისე, რომ სახე ჰქონდეთ შენარჩუნებული. ძირითადი პასუხისმგებლობა არის ხელისუფლებაზე, რომელიც მთელ ამ პროცესში იყო დესტრუქტორი, თორემ ოპოზიცია აქამდე 3-ჯერ იქნებოდა შესული პარლამენტში“.

სერგო ჩიხლაძე

17 იანვარი 2021, 15:55

პოლიტიკა

სერგო ჩიხლაძე: თუ მეხუთე რაუნდი უახლოეს კვირებში არ შედგა, მაშინ ოპოზიცია სხვა სტრატეგიაზე გადავა

„მეხუთე რაუნდი უახლოეს კვირებში თუ არ შედგა, დიდი ალბათობით, მაშინ აზრი აღარ ექნება ამ მოლაპარაკებების გაგრძელებას, იმიტომ რომ უსასრულოდ ვერ გაგრძელდება ეს მოლაპარაკებები და აქედან გამომდინარე „ქართული ოცნება“ რამდენად ადეკვატური იქნება, მოვა თუ არა მოლაპარაკებებზე, ამაზეა დამოკიდებული. როგორც ჩანს ეს შესაძლებლობის ფანჯარაც იკეტება და ამიტომ ოპოზიცია გადავალთ სხვა სტრატეგიაზე და ამას საჯაროდ განვაცხადებთ“, - აღნიშნა სერგო ჩიხლაძემ.

მარინა ენდელაძე

17 იანვარი 2021, 15:36

COVID19

მარინა ენდელაძე: მსოფლიოში არცერთი ეპიდემია ვაქცინის გარეშე არ დამარცხებულა - ეს ერთადერთი გამოსავალია

ვაქცინაცია ინფიცირებულთა შემთხვევებს შეამცირებს, მაგრამ პარალელურად, ჯერჯერობით ისევ რეგულაციების დაცვა მოგვიწევს“, - განაცხადა მარინა ენდელაძემ.

ამინდი

17 იანვარი 2021, 15:31

საზოგადოება

18-20 იანვარს საქართველოში ჰაერის ტემპერატურის მნიშვნელოვანი დაცემაა მოსალოდნელი

გარემოს ეროვნული სააგენტოს ცნობით, მოსალოდნელია ნალექი, ზოგან ძლიერი - 19-20 იანვარს, უმეტესად თოვლის სახით, მთაში ზოგან ნისლი და ქარბუქი, ზღვაზე 2-3 ბალიანი ღელვა, საავტომობილო გზებზე ლიპყინული, ელექტროგადამცემ ხაზებზე მოყინულობა, მთიან რეგიონებში ზვავსაშიშროება.

ავღანეთი

17 იანვარი 2021, 15:26

მსოფლიო

ავღანეთში შეიარაღებულებმა უზენაესი სასამართლოს ორი მოსამართლე მოკლეს

ავღანეთის პრეზიდენტმა აშრაფ ღანმა თალიბანის და სხვა სამხედრო ჯგუფების მხრიდან მშვიდობიან მოსახლეობაზე თავდასხმები დაგმო. „თალიბანის“ პრესსპიკერის თქმით, თავდასხმაში მათი წევრები არ მონაწილეობდნენ.

17 იანვარი 2021, 14:55

COVID19

დღე-ღამეში, შიდა ქართლში გამოჯანმრთელებულთა რაოდენობამ კოვიდინფიცირების ახალ შემთხვევებს გადააჭარბა

ბოლო 24 საათის განმავლობაში, შიდა ქართლში გამოჯანმრთელებულთა რაოდენობამ კოვიდინფიცირების ახალ შემთხვევებს გადააჭარბა. ლუგარის ლაბორატორიაში გაგზავნილი 229 სინჯიდან 73-ის პასუხი დადებითი აღმოჩნდა, 85 პაციენტი კი გამოჯანმრთელდა. კოვიდინფიცირების შემთხვევების საერთო რაოდენობა რეგიონში 5 110 შეადგენს.

გერმანია

17 იანვარი 2021, 14:52

COVID19

გერმანიის საგარეო საქმეთა მინისტრი აცხადებს, რომ ვაქცინირებულებისთვის შეზღუდვები უნდა შემსუბუქდეს

„COVID-19-ზე ვაქცინირებულებს რესტორნებსა და კინოთეატრებში წასვლის უფლება სხვებზე ადრე უნდა მიეცეთ“, - განაცხადა გერმანიის საგარეო საქმეთა მინისტრმა. ჰეიკო მაასის თქმით, მთავრობამ მასობრივად შეზღუდა ხალხის მთავარი უფლება, რათა შეეჩერებინა ინფექციის გავრცელება და თავიდან აეცილებინა საავადმყოფოების გადატვირთვა.

17 იანვარი 2021, 14:41

რეგიონი

მგზავრთა ტრანსპორტირებისთვის, გუდაური-კობის დამაკავშირებელი საბაგიროები ჩაირთო. ფოტოები

მხოლოდ მგზავრთა ტრანსპორტირების მიზნით, გუდაური-კობის დამაკავშირებელი საბაგიროები ჩაირთო, - ამის შესახებ ინფორმაცია კურორტ გუდაურის Facebook-გვერდზე გავრცელდა. „მხოლოდ მგზავრთა ტრანსპორტირების მიზნით, გუდაური-კობის დამაკავშირებელი საბაგიროები: გუდაურა, ფირნი, კობი და თრუსო ჩაირთო და იმუშავებს 17:00 საათამდე. მგზავრობა უფასოა. მგზავრობის საშუალო ხანგრძლივობა – 40 წუთი“, – ნათქვამია ინფორმაციაში.

17 იანვარი 2021, 14:32

სამართალი

პანკისში მეზობლების დაპირისპირება მკვლელობით დასრულდა

პანკისში, მეზობლებს შორის დაპირისპირება მკვლელობით დასრულდა. შემთხვევა სოფელ დუისში, ე.წ. ხეხილების ტერიტორიაზე მოხდა, რა დროსაც იბრაჰიმ ქავთარაშვილი მოკლეს. მკვლელობაში სავარაუდო ბრალდებული მოკლულის თანასოფლელი და მისივე მეზობელია.

17 იანვარი 2021, 14:05

საზოგადოება

ხვალ დიდ ქალაქებში, ასევე აჭარის რეგიონის სკოლებში მეორე სემესტრი დისტანციურ ფორმატში განახლდება

18 იანვარს სასწავლო პროცესი დისტანციური სწავლების სრულად ელექტრონული მოდელის გამოყენებით დაიწყება ქალაქებში: თბილისი, ქუთაისი, რუსთავი, თელავი, ზუგდიდი, ზესტაფონი, გორი, ფოთი, მარნეული და გარდაბანი. აჭარის ავტონომიური რესპუბლიკის ტერიტორიაზე მოქმედი ზოგადსაგანმანათლებლო დაწესებულებები სასწავლო პროცესს ასევე გააგრძელებენ დისტანციურ რეჟიმში.

საფრანგეთი

17 იანვარი 2021, 13:54

COVID19

საბერძნეთში COVID19-ზე ხანდაზმულების ვაქცინაცია დაიწყო

საბერძნეთმა COVID19-ზე ხანდაზმულების ვაქცინაცია დაიწყო. ამის შესახებ Reuters-ი წერს. ქვეყანაში იმუნიზაციის პროცესის დაწყებიდან დღემდე, „ფაიზერისა“ და „ბიონტექის“ ვაქცინა ჯანდაცვის 75 ათასზე მეტ მუშაკს გაუკეთდა. ინფორმაციას სააგენტო „როიტერი“ ავრცელებს.

17 იანვარი 2021, 13:29

რეგიონი

ლენტეხი-მელეს მონაკვეთზე მისაბმელიანი ავტოტრანსპორტის მოძრაობა აკრძალულია

რთული მეტეოროლოგიური პირობების გამო, ქუთაისი (წყალტუბოს გადასახვევი)-წყალტუბო-ცაგერი-ლენტეხი-ლასდილის საავტომობილო გზის კმ125-კმ157 (მელე-ლასდილი) მონაკვეთზე, აკრძალულია ყველა სახის ავტოტრანსპორტის მოძრაობა, - ინფორმაციას საავტომობილო გზების დეპარტამენტი ავრცელებს.

ალექსანდრე ზაგაშვილი

17 იანვარი 2021, 13:18

საზოგადოება

ყაზბეგის მერის ინფორმაციით, რთული მეტეოროლოგიური პირობების გამო, კობი-გუდაურის მონაკვეთზე გზის გაწმენდითი სამუშაოების დაწყება ვერ ხერხდება

„გზის გაწმენდითი სამუშაოების დასაწყებად, სამწუხაროდ, მეტეოროლოგიური პირობები ხელს არ გვიწყობს. ძალიან დიდი თოვლია მოსული და საჭიროა თანხმობა გარემოს ეროვნული სააგენტოდან, რომ ტექნიკა შევიდეს გზის გასაწმენდად. ჯერჯერობით, ვერ გეტყვით, როდის იქნება შესაძლებელი გზის გაწმენდითი სამუშაოების დაწყება. საბაგირო უკვე ჩაირთო და მგზავრები გადაადგილებას შეძლებენ, როგორც გუდაურის, ისე - გუდაურიდან ყაზბეგის მიმართულებით“, - განაცხადა ალექსანდრე ზაგაშვილმა.

17 იანვარი 2021, 12:56

მსოფლიო

FBI აშშ-ს მოსახლეობას 50-ვე შტატში მოსალოდნელი შეიარაღებული დაპირისპირების შესახებ აფრთხილებს

ქვეყნის ახალი პრეზიდენტის, ჯო ბაიდენის ინაუგურაციასთან დაკავშირებით, აშშ-ს 50-ვე შტატსა და კოლუმბიის ფედერალურ ოლქში ძალადობრივი საპროტესტო გამოსვლებია მოსალოდნელი. FBI-ს განცხადების თანახმად, დონალდ ტრამპის მხარდამჭერთა მხრიდან, მთელი ქვეყნის მასშტაბით, შეიარაღებულ დაპირისპირებას ვარაუდობენ.

17 იანვარი 2021, 12:54

COVID19

აშშ-ში კორონავირუსის 198,218 შემთხვევა გამოვლინდა

ჯონს ჰოპკინსის უნივერსიტეტის მონაცემებით, აშშ-ში გასული დღე-ღამის განმავლობაში კორონავირუსის 198,218 ახალი შემთხვევა დადასტურდა, ხოლო 3,286 ადამიანი ვირუსს ემსხვერპლა. პანდემიის დაწყებიდან დღემდე, აშშ-ში კორონავირუსის 23,754,315 შემთხვევა დადასტურდა, ხოლო 395,785 ადამიანი გარდაიცვალა.