ირაკლი კობახიძე: მიხეილ სააკაშვილის ნატურაა, რომ ის ბოდიშს არჩევნების წინ იხდის

მიხეილ სააკაშვილის ნატურაა, რომ ის ბოდიშს იხდის არჩევნების წინ, 8 წლის თავზე გაახსენდა მას ის მძიმე დანაშაულებები, რომელიც მისი ხელმძღვანელობით ჩაიდინა „ნაციონალურმა მოძრაობამ, - ამის შესახებ „ქართული ოცნების“ აღმასრულებელმა მდივანმა, ირაკლი კობახიძემ ბრიფინგის შემდეგ ჟურნალისტების კითხვის საპასუხოდ განაცხადა.

მისი თქმით, მიხეილ სააკაშვილის ხელმძღვანელობით „ნაციონალურმა მოძრაობამ“ ქვეყნის ტერიტორიების 20 პროცენტი ჩააბარა რუსეთს და შემდეგ ჩაიდინა ნამდვილი ღალატი, როდესაც ევროსაბჭოს რეზოლუციის ხელმოწერით ოკუპაცია გაუფორმა რუსეთის ფედერაციას

„როდესაც უგულავასთან და სხვებთან ერთად მოიპარავ ათეულობით მილიონს და ასეულობით მილიონს, ეს არის ისეთი დანაშაული, რომელიც სააკაშვილს ვერ ეპატიება მიხეილ სააკაშვილის ,,ბოდიში“, ეს არის აღიარება იმ უმძიმესი დანაშაულისა, რომელიც ჩაიდინა თავის დროზე „ნაციონალურმა მოძრაობამ“ მისი ხელმძღვანელობით“, - განაცხადა ირაკლი კობახიძემ.