imedi /  24 ივნისი 2019, 12:00 / სანდო წყარო

ივანიშვილის ინიციატივა: არჩევნების პროპორციული სისტემით, ნულოვანი ბარიერით ჩატარება

მამუკა ბახტაძე
ბიძინა ივანიშვილი

მამუკა ბახტაძე
ბიძინა ივანიშვილი

პარტია „ქართული ოცნების“ თავმჯდომარე ბიძინა ივანიშვილი გამოდის ინიციატივით, რომ 2020 წლის საპარლამენტო არჩევნები პროპორციული სისტემით, ნულოვანი ბარიერის პირობებში ჩატარდეს. აღნიშნული განცხადება ივანიშვილმა საგანგებო ბრიფინგზე გააკეთა. 

„2020 წლის საპარლამენტო არჩევნები, ჩატარდეს პროპორციული სისტემით, ნულოვანი, ვიმეორებ, ნულოვანი საარჩევნო ბარიერის პირობებში. საზოგადოებას მოეხსენება, რომ სწორედ „ქართული ოცნება“ იყო იმ საკონსტიტუციო რეფორმის ინიციატორი, რომლის ფარგლებშიც გადაწყდა, რომ საპარლამენტო დემოკრატიის პირობებში, არჩევნების პროპორციული სისტემა, უკეთ პასუხობს ხელისუფლებაში მრავალპარტიული, და შესაბამისად, პლურალისტური პოლიტიკური წარმომადგენლობის ევროპულ სტანდარტს.

თუმცა, იქვე დადგინდა, რომ ამ საარჩევნო სისტემაზე გადასვლა უფრო სწორი, 2024 წელს იქნებოდა, რადგან პარტიების გაძლიერებას, მათ კრისტალიზაციას ღირებულებების გარშემო, მეტ კონსოლიდაციას და კონკურენტუნარიანობის გაზრდას გარკვეული წლები კიდევ სჭირდებოდა. სწორედ ამიტომ განისაზღვრა, კონსტიტუციით გარანტირებული საარჩევნო რეფორმის ოპტიმალურ ვადად 2024 წელი, მითუმეტეს იმ პირობებში, როდესაც დღეს მოქმედი შერეული საარჩევნო სისტემა არის აბსოლუტურად დემოკრატიული, გამართული და აპრობირებულია არაერთ ტრადიციული დემოკრატიის ქვეყანაში. მაგრამ ცხოვრებას თავისი კორექტივები შეაქვს ყველაფერში და ნებისმიერი პასუხისმგებლიანი მმართველი პოლიტიკური ძალის ვალია, იყოს ადეკვატური ქვეყნის წინაშე მდგარი გამოწვევებისა და რაც მთავარია, ესმოდეს საზოგადოების მაჯისცემა.

დღეს, ყველა ვხედავთ, რომ საზოგადოება ცვლილებებს ითხოვს. ჩვენი ინციატივა კი სწორედ ფართომასშტაბიანი პოლიტიკური ცვლილების საფუძველს იძლევა. იმავდროულად, საზოგადოებრივ მოთხოვნას უნდა მოჰყვეს, და დარწმუნებული ვარ მოჰყვება კიდეც, სამართლებრივი შედეგებიც. უნდა დაისაჯოს ის, ვინც მასობრივი ძალადობის ორგანიზება მოახდინა და ისიც, ვინც ძალას გადაამეტა. რაც შეეხება დღევანდელ პოლიტიკურ გადაწყვეტილებას, უპირველესი მიზეზი, რამაც ამისკენ გვიბიძგა, არის ჩვენი საზოგადოების და განსაკუთრებით, ახალგაზრდობის სურვილი და მზაობა, აქტიურად ჩაერთოს ქვეყნის მართვაში, და საკუთარ თავზე აიღოს პასუხისმგებლობა. საზოგადოების ამ სულისკვეთებასთან თანხვედრაშია ჩვენი პოლიტიკური გუნდის სურვილიც, ნებაყოფლობით ვთქვათ უარი იმ სასტარტო უპირატესობაზე, რაც შერეული საარჩევნო სისტემის პირობებში ბუნებრივად გააჩნია „ქართულ ოცნებას“.

შუალედური არჩევნების შედეგებმა ყველა დაარწმუნა, რომ ქართული ოცნების ნებისმიერი კანდიდატი, პრაქტიკულად უკონკურენტოა. ფაქტია, რომ პოპულარულ ადამიანებს კვლავ „ქართული ოცნების“ ეგიდით სურთ პოლიტიკურ ასპარეზზე გამოსვლა და თუ 2020 წლის საპარლამენტო არჩევნები შერეული სისტემით ჩატარდა, მაღალი ალბათობით, „ქართული ოცნება“ თითქმის ყველა მაჟორიტარულ ოლქს მოიგებს, რითაც უკიდურესად შეამცირებს მრავალპარტიული პარლამენტის ფორმირების რესურსს. ეს შესაძლოა ემსახურებოდეს ჩვენს პარტიულ ინტერესს, მაგრამ ვეღარ პასუხობს ქვეყნის წინაშე არსებულ გამოწვევებს. და კიდევე ერთი მიზეზი, რაც საფუძვლად დაედო ჩვენს დღევანდელ გადაწყვეტილებას არის ის მზარდი, გლობალური თუ ლოკალური ხასიათის, პოლიტიკური და ეკონომიკური გამოწვევები, რომლის წინაშეც დგას ჩვენი ქვეყანა და რომლებთანაც გამკლავებას სულ უფრო ხშირად დასჭირდება ფართო საზოგადოებრივი და პოლიტიკური კონსენსუსი, ერთიანობა და პასუხისმგებლობის გაზიარება, რაც მხოლოდ მაქსიმალურად პლურალისტურ გარემოშია შესაძლებელი; ამიტომ, ჩვენ გთავაზობთ, პროპორციულ საარჩევნო სისტემაზე გადასვლას. იმავდროულად, ნულზე ჩამოგვყავს, ანუ სრულად ვაუქმებთ დღეს არსებულ პროცენტულ ბარიერს და იმედი გვაქვს, რომ ამ გზით, 2020 წელს მივიღებთ პარლამენტს, სადაც თითქმის ყველა პოლიტიკური აქტორი და ამ ქვეყნის მთელი ინტელექტუალური პოტენციალი იქნება წარმოდგენილი. არავის დასჭირდება ვინმესთან მიკედლება, ხელოვნური გაერთიანება და ხშირად საკუთარ პრინციპებზე უარის თქმა, რათა თავისი წვლილი შეიტანოს ქვეყნის განვითარებასა და წინსვლაში.

ჩვენი პოლიტიკური გუნდი მზადაა, მიმდინარე სასესიო კვირის დასრულებისთანავე, დაიწყოს ფართო კონსულტაციები, საპარლამენტო და არასაპარლამენტო პოლიტიკურ პარტიებთან. ყველასთნ, ვინც მზად არის კონსტიტუციისა და კანონის უპირობო პატივისცემის ფარგლებში ეწეოდეს აქტიურ პოლიტიკურ საქმიანობას", - განაცხადა ბიძინა ივანიშვილმა. 

 


ამ განცხადების გავრცელებამდე "ქართული ოცნების" ცენტრალურ ოფისში უმრავლესობის სხდომა გაიმართა, რომელსაც პარტიის თავმჯდომარე ბიძინა ივანიშვილი ხელმძღვანელობდა.

მანამდე პარტია „ქართული ოცნების“ ცენტრალურ ოფისში პოლიტსაბჭოს სხდომა ჩატარდა. სხდომას პირადად პარტიის თავმჯდომარე ბიძინა ივანიშვილი ხელმძღვანელობდა. მასში ასევე მონაწილეობდნენ პრემიერმინისტრი მამუკა ბახტაძე, დედაქალაქის მერი კახა კალაძე, პარლამენტის  გადამდგარი თავმჯდომარე ირაკლი კობახიძე და პარტიის სხვა ლიდერები.

"ქართული ოცნების" პოლიტსაბჭოს სხდომაზე ქვეყანაში ბოლო დღეების განმავლობაში მიმდინარე საკითხები განიხილეს. თბილისში უკვე რამდენიმე დღეა პარლამენტთან საპროტესტო აქცია იმართება. აქცია დაანონსებულია დღესაც.

აქციის მონაწილეები 20 ივნისს დაკავებულების გათავისუფლებას, შინაგან საქმეთა მინისტრის გადაყენებას, არჩევნების პროპორციული წესით ჩატარებას და იმ ძალოვნების დასჯას ითხოვენ, რომელთაც მათი შეფასებით, აქციის დაშლისას ძალას გადაამეტეს.

20 ივნისს ღამით, პარლამენტის შენობის წინ სპეცრაზმმა რამდენჯერმე გამოიყენა ცრემლმდენი გაზი, ბოლოს კი აქციის მონაწილეები წყლის ჭავლით დაშალა, ასევე გამოიყენა რეზინის ტყვიები.

20 ივნისს, დილით პარლამენტის თავმჯდომარისთვის განკუთვნილი ადგილიდან მართლმადიდებლური საპარლამენტთაშორისო ასამბლეის წევრებს სიტყვით რუსეთის დუმის კომუნისტური პარტიის წევრმა სერგეი გავრილოვმა მიმართა, რასაც საკანონმდებლო ორგანოსთან საპროტესტო აქციები და პარლამენტის თავმჯდომარის, ირაკლი კობახიძის გადადგომა მოჰყვა.

ყველა სიახლე

წეროვანი

24 აგვისტო 2019, 17:17

ძალოვნები

წეროვანში ხანძარი ჩააქრეს

ცეცხლი წეროვანში დასახლების მიმდებარედ, საძოვრებს გაუჩნდა. ამ ტერიტორიაზე დასახლებული პუნქტი არ არის. იყო ძლიერი დაკვამლინება. ადგილზე სამი სამაშველო-სახანძრო ჯგუფი მუშაობდა. ხანძრის გამომწვევი მიზეზი არ არის დადგენილი.

კიტ ჰარინგტონი

24 აგვისტო 2019, 16:42

კულტურა

კიტ ჰარინგტონი Marvel-ის კინოსამყაროში გამოჩნდება

ცნობილი სატელევიზიო სერიალის Game of Thrones-ის ვარსკვლავი კიტ ჰარინგტონი Marvel-ის ერთ-ერთ ფილმში ითამაშებს. ინფორმაციას Deadline-ი ავრცელებს. არსებული ინფორმაციით, ჰარინგტონი Marvel-ის სუპერგმირის შესახებ ფილმში გამოჩნდება. ჯერჯერობით უცნობია, რომელ ფილმზე იმუშავებს GOT-ის მსახიობი.

British Airways

24 აგვისტო 2019, 16:18

ეკონომიკა

პილოტების გაფიცვის გამო British Airways-ის ათასობით რეისი გაუქმდა

ანაზღაურების გაზრდის მიზნით British Airways-ის პილოტები 9, 10 და 27 სექტემბერს გაფიცვას გეგმავენ. მიუხედავად იმისა, რომ გაფიცვა 9 სექტემბერს იწყება, მგზავრებს, რომელთა რეისებიც 8 სექტემბერს ან უფრო გვიან არის დაგეგმილი, რეისის გაუქმების შესახებ შეტყობინებები მიუვიდა.

ვიქტორ სანიკიძე

24 აგვისტო 2019, 16:15

სპორტი

ვიქტორ სანიკიძე ბერძნული „არისის“ სპორტული დირექტორი გახდა

სანიკიძე ათენის „არისში“ 2016-2017 წლების სეზონში თამაშობდა, სადაც მძიმე ტრავმა მიიღო, რაც მისი კარიერის დასრულების მიზეზი გახდა. სანიკიძეს ევროპის არაერთ კლუბში უთამაშია. წლების განმავლობაში ის ფრანგულ "დიჟონში", ესპანურ "სარაგოსასა" და "ესტუდიანტესში", იტალიურ "ვირტუსსა" და "სიენაში", ასევე რუსულ "უნიკსსა” და თურქულ “ანკარაში” თამაშობდა.

24 აგვისტო 2019, 16:02

მსოფლიო

ირანი აშშ-ის მიერ ფრთოსანი რაკეტის გამოცდის გამო შეშფოთდა

ირანი შეშფოთებას გამოთქვამს აშშ-ის მიერ საშუალო და მოკლე რადიუსზე მოქმედი ფრთოსანი რაკეტის გამოცდის გამო. ირანის საგარეო საქმეთა სამინისტროს წარმომადგენლის აბას მუსავის განცხადებით აღნიშნული ფაქტი შეირაღების ზრდის ტემპს დააჩქარებს. ასევე საფრთხეს შეუქმნის მსოფლიოში მშვიდობას და სტაბილურობას.

დონალდ ტუსკი

24 აგვისტო 2019, 15:44

მსოფლიო

დონალდ ტუსკს „დიდი შვიდეულის“ შემდეგ სამიტზე უკრაინის მიწვევა სურს

ევროკავშირის საბჭოს პრეზიდენტმა, დონალდ ტუსკმა განაცხადა, რომ „დიდი შვიდეულის“ ფორმატში რუსეთის დაბრუნებას არ ეთანხმება და, ამავე დროს, შემდეგ სხდომაზე სტუმრის სახით უკრაინის მიწვევას ემხრობა. ამის შესახებ ტუსკმა „დიდი შვიდეულის“ სამიტის დაწყებამდე განაცხადა.

ბირთვული რაკეტა

24 აგვისტო 2019, 15:11

მსოფლიო

პოლონეთი მზადაა ქვეყანაში აშშ-ის ბირთვული რაკეტები განათავსოს

პოლონეთის პრემიერმინისტრმა მათეუშ მორავეცკიმ განაცხადა, რომ პეკინი და მოსკოვი მსოფლიოში მშვიდობას საფრთხეს უქმნიან. ამიტომ ნატომ უნდა განიხილოს ევროპაში საშუალო რადიუსზე მოქმედი ბირთვული რაკეტების განთავსების საკითხი, -ამის შესახებ Deutsche Welle წერს. მისი თქმით, პოლონეთი მზადაა ქვეყნის ტერიტორიაზე აშშ-ის ბირთვული რაკეტები განათავსოს.

„ლანჩხუთი“

24 აგვისტო 2019, 15:09

სპორტი

ფეხბურთში ქალთა შორის საქართველოს თასი „ლანჩხუთმა“ მოიგო

23 აგვისტოს ქალთა შორის საქართველოს თასის ფინალი გაიმართა. მიხეილ მესხის სახელობის სტადიონის სათადარიგო მოედანზე ერთმანეთს თბილისის „ნიკე” და ლანჩხუთის „ლანჩხუთი” დაუპირისპირდნენ. ინფორმაციას ამის შესახებ საქართველოს ფეხბურთის ფედერაცია ავრცელებს.

„ქართული სახლი“ მინსკში

24 აგვისტო 2019, 14:48

კულტურა

მინსკში „ქართული სახლი“ გაიხსნა

საპარტნიორო ფონდის მხარდაჭერით მინსკში „ქართული სახლი“ გაიხსნა, რომლის მთავარი მიზანი ორ ქვეყანას შორის სავაჭრო-ეკონომიკური კავშირების გაღრმავებაა. „ქართული სახლი“ თბილისის მერმა კახა კალაძემ და ბელარუსში საქართველოს ელჩმა ვალერი კვარაცხელიამ გახსნეს.

აშშ-ავსტრალია

24 აგვისტო 2019, 14:34

სპორტი

აშშ-ის საკალათბურთო ნაკრები 13 წელიწადში პირველად დამარცხდა

აშშ-ის საკალათბურთო ნაკრები 13 წელიწადში პირველად დამარცხდა. USA Today-ის ინფორმაციით, მსოფლიო ჩემპიონატისთვის მომზადების ფარგლებში გამართული ამხანაგური მატჩი ამერიკელი კალათბურთელებმა ავსტრალიის ნაკრებთან 94:98 დათმეს. აშშ-ის ნაკრების წაუგებელი სერია 2006 წელს დაიწყო და 78 მატჩი, მათ შორის სამი ოლიმპიური თამაშები მოიცვა.

ხანძარი წეროვანთან

24 აგვისტო 2019, 14:23

ძალოვნები

წეროვანის დასახლებასთან საძოვრები იწვის

ქვეყნის მასშტაბით ხანძრის რამდენიმე კერაა. ახლახანს ცეცხლი წეროვანში დასახლების მიმდებარე საძოვრებს გაუჩნდა. მიმდებარე ტერიტორიაზე დასახლებული პუნქტი არ არის. ტერიტორიზე ძლიერი დაკვამლინებაა. ადგილზე სამი სამაშველო-სახანძრო ჯგუფი მუშაობს. ხანძრის მიზეზი არ არის დადგენილი. არც ის არის ცნობილი თუ რა ფართობზე გავრცელდა ცეცხლი.

ზელიმხან ხანგოშვილი

24 აგვისტო 2019, 14:21

საქართველო

მამუკა არეშიძე ზელიმხან ხანგოშვილის მკვლელობის ორ შესაძლო მოტივზე საუბრობს

მას მიაჩნია, რომ საქმე ანგარიშსწორებას უკავშირდება, თუმცა არ გამორიცხავს, რომ ხანგოშვილი რამზან კადიროვის სპეცსამსახურების მსხვერპლი გამხდარიყო. „ან ხანგოშვილს სამაგიერო გადაუხადეს, ან მისი და კადიროვის სპეცსამსახურების გზები გადაიკვეთა. მე უფრო პირველი ვერსიისკენ ვიხრები“, - განაცხადა არეშიძემ.

მამუკა ბახტაძე

24 აგვისტო 2019, 14:11

საქართველო

მამუკა ბახტაძე უკრაინას დამოუკიდებლობის დღეს ულოცავს

საქართველოს პრემიერმინისტრი მამუკა ბახტაძე უკრაინას დამოუკიდებლობის დღეს ულოცავს. ინფორმაციას ამის შესახებ მთავრობის ადმინისტრაცია ავრცელებს. უკრაინამ საბჭოთა კავშირისგან დამოუკიდებლობა 28 წლის წინ, 1991 წლის 24 აგვისტოს გამოაცხადა.

აშშ-ჩინეთის სავაჭრო ომი

24 აგვისტო 2019, 13:57

ეკონომიკა

აშშ $250 მილიარდის ჩინურ პროდუქციას 25%-ის ნაცვლად 30%-ით დაბეგრავს

აშშ 250 მილიარდი დოლარის ღირებულების ჩინურ პროდუქციას 25%-ის ნაცვლად 30%-ით დაბეგრავს. ასეთი გადაწყვეტილება თეთრი სახლის ლიდერმა მას შემდეგ მიიღო, რაც 23 აგვისტოს ჩინეთმა 75 მილიარდი დოლარის ღირებულების ამერიკულ პროდუქციაზე ტარიფები დააწესა.

24 აგვისტო 2019, 13:18

ტექნოლოგიები

ექიმებმა დიეტის გარეშე გახდომის მეთოდს მიაგნეს

იმისთვის რომ წონაში დაიკლოთ სულაც არ არის საჭირო დიეტა - ამის შესახებ The Sun-ი წერს. გამოცემის ცნობით, ექიმი დიეტოლოგები აცხადებენ, რომ ამისთვის საყვარელი კერძების ულუფების შემცირებაა საჭირო. ცნობილი დიეტოლოგის გრემი ტომილსონის განცხადებით, ხანდახან ადამინს საყვარელი საკვების ულუფა დიდი არ ეჩვენება, თუმცა მასში 3 ჯერ მეტი კალორია შეიძლება აღმოჩნდეს.

რონ „მარკიზ“ მესელი

24 აგვისტო 2019, 13:10

ტაბლოიდი

ფინეთში წარმოსახვით გიტარაზე დაკვრაში მსოფლიო ჩემპიონატი გაიმართა

კონკურსი ორი ეტაპისგან შედგება. პირველ ეტაპზე მონაწილეები წინასწარ მომზადებულ ერთწუთიან კომპოზიციას „უკრავენ“, მეორე ეტაპზე კი მათ ორგანიზატორების მიერ შერჩეული ფონოგრამის თანხლებით იმპროვიზაცია უწევთ. წარმოსახვით გიტარაზე დაკვრაში მსოფლიო ჩემპიონატი პირველად 1996 წელს ჩატარდა.

ზელიმხან ხანგოშვილი

24 აგვისტო 2019, 12:57

ძალოვნები

ზელიმხან ხანგოშვილის მკვლელობის შესახებ დამატებითი დეტალები გახდა ცნობილი

გერმანიაში პანკისის მკვიდრ ზელიმხან ხანგოშვილს ცეცხლსასროლი იარაღიდან თავის არეში სასიკვდილო ჭრილობა ველოსიპედით გამვლელმა იმ დროს მიაყენა, როცა ის პარასკევის ლოცვაზე მეჩეთში მიდიოდა. რა გახდა მკვლელობის კონკრეტული მოტივი, ოჯახის წევრებს ამ თემაზე საუბარი უჭირთ.

უკრაინის დამოუკიდებლობის დღე

24 აგვისტო 2019, 12:50

მსოფლიო

უკრაინა დამოუკიდებლობის დღეს აღნიშნავს

უკრაინაში დამოუკიდებლობის დღეს ზეიმობენ. ქვეყნის პრეზიდენტის ვოლოდიმირ ზელენსკის გადაწყვეტილებით, წელს ტრადიციული სამხედრო აღლუმი არ იმართება. პრეზიდენტმა დამოუკიდებლობის დღესთან დაკავშირებით, სამხედრო მოსამსახურეებს პრემია გადასცა. ქვეყნის ბიუჯეტიდან 300 მილიონი გრივნა გამოიყო.

ირანი

24 აგვისტო 2019, 12:45

მსოფლიო

ირანმა ახალი რაკეტა გამოსცადა

რამდენიმე დღის წინ ირანის თავდაცვის მინისტრმა ამირ ხატამიმ განაცხადა, რომ თეირანი კონვენციით აკრძალული რაკეტების შექმნას არ აპირებს და ბრძოლისუნარიანობის ამაღლებას სხვა რაკეტების სიჩქარისა და სიზუსტის გაუმჯობესების ხარჯზე მიაღწევს.

„ლედი და მაწანწალა“

24 აგვისტო 2019, 12:35

კულტურა

Disney-მ „ლედი და მაწანწალას“ ფილმის პირველი ტრეილერი გამოაქვეყნა

რეჟისორ ჩარლი ბინის ფილმი ორი ძაღლის - კოკერ-სპანიელ ლედის და ქუჩის ძაღლის მაწანწალას სიყვარულის შესახებ მოგვითხრობს. იქნება თუ არა განსხვავება ორიგინალური მულტფილმის სიუჟეტსა და ფილმის სიუჟეტს შორის, ჯერჯერობით უცნობია. ფილმის პრემიერა Disney+-ის სტრიმინგ სერვისზე 12 ნოემბერს გაიმართება.