Google-მა თავის „კალენდარში“ არსებული ხარვეზი აღიარა

2019 წლის სექტემბრის დასაწყისში Google-მა ოფიციალურად აღიარა თავისი ერთ-ერთი სერვისის „კალენდრის“ დაცვაში არსებული ხარვეზი. ბოროტმოქმედები მასობრივად აბინძურებდნენ მომხმარებლების ორგანაიზერებს აბეზარი რეკლამით, გვერდს უვლიდნენ რა ანტისპამ-ფილტრებს.

მომხმარებლები მასობრივად ჩიოდნენ ამ პრობლემის თაობაზე ბოლო რამდენიმე წლის განმავლობაში, მაგრამ Google-ი დუმდა ან ჟურნალისტებს ზოგადი ფრაზით პასუხობდა, რომ კომპანიის სერვისებში მავნე კონტენტის გავრცელება აკრძალულია. პრობლემის ბოლოდროინდელი აღაირებაც მედიამ ფაქტობრივად შემთხვევით შეიტყო: ეს არის „კალენდარის“ სერვისის მხარდამჭერ ოფიციალურ ფორუმზე გამოქვეყნებული მოკლე შეტყობინება დეტალების განმარტების გარეშე. განცხადებაში ნათქვამია, რომ Google-მა პრობლემის შესახებ იცის და მის გამოსწორებაზე მუშაობს, მაგრამ თარიღი ან სხვა რაიმე დეტალი მითითებული არ არის. კომპანიის სოცქსელებში ასევე არ არის ნახსენები სიტყვაც კი ამის შესახებ, თუ არ ჩავთვლით ოფიციალური ტვიტერის ერთი ტიპის პასუხებს აღელვებული მომხმარებლების შეკითხვებზე.

როგორ მუშაობს ეს?

სპამერები ქმნიან „კალენდარში“ ღონისძიებას: აქვეყნებენ თარიღს, დროს და ამატებენ მონაწილეებს. ამისთვის მხოლოდ მსხვერპლის ფოსტაა საჭირო. იმ შემთხვევაშიც თუ დაპატიჟების წერილი ხვდება სპამის საქაღალდეში, თავად ღონისძიება „კალენდარს“ ემატება და შეიძლება გაივსოს, მაგალითად, მთელი თვის განმავლობაში ყალბი აიფონების გათამაშების რეკლამით.

რადგან Google-ის ყველა სერვისი ერთიან ეკოსისტემაშია მოქცეული, სპამური შეტყობინება აისახება მის ექაუნთან დაკავშირებულ სხვა აპლიკაციებშიც. თავისთავად სპამი მომხმარებელს საფრთხეს არ უქმნის, უბრალოდ მოსაბეზრებელია. მაგრამ მასში არსებულ ბმულზე ხელის დაჭერით, შეიძლება კიდევ უფრო დიდი სპამის გამოწერა ან ფიშინგურ, ასევე დავირუსებულ გვერდზე გადასვლა.

მსგავსი პრობლემა შეიმჩნევა Microsoft-ის და Apple-ის კალენდრებზეც: აქაც საკმარისია მომხარებლის ფოსტის ცოდნა იმისთვის, რომ მას ღონისძიებაზე მიწვევა გაუგზავნო.

მანამდე რა ხდებოდა?

ხარვეზის თაობაზე 2017 წლის დასასრულის შემდეგაა ცნობილია. კვლევითმა ჯგუფმა Black Hills ამის შესახებ თავის ბლოგში დაწერა: ექსპერტებმა შეძლეს ვირუსული ბმულის დამატება Google-ის კალენდრის ღონისძიებაში. სპეციალური პროგრამის დახმარებით მათ ისიც კი შეძლეს, რომ გვერდი აევლოთ „კალენდრის“ პარამეტრისათვის, რომელიც კრძალავს იმ მიწვევის ასახვას, რომელზეც მომხმარებელმა არ უპასუხა.

Google-მა არ დახურა ხარვეზი „კალენდრის“ დაცვაში უფრო ადრე იმ დისკომფორტის გამო, რომელსაც განახლება სერვისის მომხმარებლებს შეუქმნის, - წერს Forbes-ი. ისინი რჩევებით შემოიფარგლნენ: პირველ რიგში მონიშნეთ ყველა საეჭვო ბმული „კალენდარში“, როგორც სპამი და წაშალეთ ისინი; მეორეც, გათიშეთ ფოსტიდან მოვლენების ავტომატური სინქრონიზება. თუმცა ამ შემთხვევაში, „კალენდრის“ ფუნქციების ნაწილი აღარ იმუშავებს.

The Bell-ი წერდა, რომ სპამისთვის არამხოლოდ „კალენდრის“ გამოყენება შეიძლება. ბოროტმოქმედები ერთმანეთს უზიარებენ ფოტოებს ყალბი ქვითრებით და ინფორმაციას არარსებულ ჯილდოზე Google Photos-ში და აგზავნიან Google Analytics-ის ანგარიშებს, რომლებშიც ვირუსული ბმულებია.

როგორ მოვიქცე, რომ ორგანაიზერში სპამი აღარ გამოჩნდეს?

უნდა შეხვიდეთ Google-ის კალენდარის გვერდზე, შემდეგ პარამეტრებში (Settings) - Events from Gmail და მოხსნათ მონიშვნა პუნქტიდან Automatically add events from Gmail to my calendar.