„ინტერ მედია პლიუსის“ დირექტორს 50 ათასი ლარის გირაო შეეფარდა

საქალაქო სასამართლომ „რუსთავი 2“-ის საქმეზე „ინტერ მედია პლიუსის“ ბრალდებულ დირექტორს, ზურაბ იაშვილს, პროკურატურის მოთხოვნის მიხედვით, აღკვეთის ღონისძიების სახით გირაოდ 50 ათასი ლარი შეუფარდა. ასევე იაშვილს საგამოძიებო ორგანოს ინფორმირებისა და ნებართვის გარეშე ქვეყნიდან გასვლა აეკრძალა.

ახალი ბრალის ერთ-ერთი ეპიზოდის თანახმად, „ინტერ მედია პლიუსის“ დირექტორს, ზურაბ იაშვილს, ბრალი კომერციული მოსყიდვისა და ყალბი ოფიციალური დოკუმენტის დამზადება-გამოყენებაში ედება, რამაც მნიშვნელოვანი ზიანი გამოიწვია.

ასევე, გენერალური პროკურატურა „რუსთავი 2“-ის ყოფილ დირექტორს, ნიკა გვარამიას დიდი ოდენობით უძრავი ქონების უკანონოდ დაუფლებას ედავება.

რაც შეეხება ფინანსურ დირექტორ კახა დამენიას, გამოძიება სამაუწყებლო კომპანია „რუსთავი 2“-ის კუთვნილი ქონებრივი უფლების დიდი ოდენობით მართლსაწინააღმდეგო გაფლანგვაში ედება.

2 აგვისტოს მაგისტრატი მოსამართლის თანდასწრებით ტელეკომპანიის ყოფილი დირექტორი ნიკა გვარამია დაიკითხა. მისი თქმით, გამოძიების მთავარი ინტერესია, რატომ ფორმდებოდა სარეკლამო კონტრაქტები ამა თუ იმ თანხაზე.

საქართველოს გენერალურმა პროკურატურამ „რუსთავი 2“-ის ყოფილი გენერალური დირექტორის ნიკა გვარამიას საქმეზე თბილისის საქალაქო სასამართლოს აღკვეთის ღონისძიების შეფარდების შუამდგომლობით 10 აგვისტოს  მიმართა. 11 აგვისტოს სასამართლომ ნიკა გვარამიას 40 000 ლარის გირაო შეუფარდა. მოგვიანებით გვარამიამ გირაოს გადახდაზე უარი თქვა.