სახალისო გამოცანა: ვიზუალური ტესტი საკუთარი თავის ამოსაცნობად
ადამიანები ყოველთვის განსხვავებულად ხედავენ სამყაროს, რადგან თითოეულის ტვინი ინდივიდუალურადაა მოწყობილი და სწორედ იმას აქცევს ყურადღებას, რაც მის სურვილებს, განწყობასა და შინაგან პრიორიტეტებს აირეკლავს. საკუთარი თავის უკეთ გასაცნობად განსაკუთრებით ცნობისმოყვარეები უჩვეულო, ორიგინალურ კითხვარებსა და ტესტებს მიმართავენ, რომლებიც ხშირად უფრო მეტს ამბობენ ადამიანის ხასიათსა და მის ფარულ თავისებურებებზე, ვიდრე გამოცდილი ფსიქოლოგები.
ოპტიკური ილუზია "გოგონა, რომელიც დალის კითხულობს"
უკრაინელი მხატვრის ოლეგ შუპლიაკის სიურრეალისტური ნამუშევრის "გოგონა, რომელიც დალის კითხულობს (Girl reading Dali)" უნიკალურობა მისი მეტამორფული მნიშვნელობაა, რომელიც რამდენიმე გამოსახულებას აერთიანებს და სუბიექტურად აღქმის საშუალება აძლევს ნებისმიერ მნახველს.
შეხედეთ შუპლიაკის ოპტიკურ ილუზიას და დაუფიქრებლად მოინიშნეთ გონებაში რაზე შეჩერდა თქვენი მზერა პირველ რიგში, რადგან ერთი შეხედვით სახალისო თამაში გამოსახულებით, სინამდვილეში, საუკეთესოდ დემონსტრირებს ტვინის მუშაობას, რომელიც დანარჩენებისგან გამოჰყოფს დომინანტ ფრაგმენტს და ზუსტად აღწერს თქვენი აზროვნების სტილს, რეალურ მოტივებსა და ხასიათის თავისებურებებს.
* მამაკაცის სახე - თუ თქვენი მზერა სხვა დეტალებისგან შემდგარი მამაკაცის სახეზე შეჩერდა, მაშინ ჰოლისტური (ერთიანი) აღქმა, კარგად განვითარებული ინტუიცია და ნებისმიერ ქაოსში არსის მოძიების უნარი გაქვთ, მასშტაბურად აზროვნებთ და ფართო კონტექსტში შეგიძლიათ მოვლენების დანახვა დეტალებზე კონცენტრირების გარეშე, სიბრძნისა და შინაგანი სტაბილურობის წყალობით კი, ნებისმიერ სიტუაციაში ახერხებთ სიმშვიდის, წესრიგის შენარჩუნებას და ლოგიკური სტრუქტურის, ფილოსოფიური აზრის მოძიებას, რის გამო ხშირად ერთადერთი მტკიცე საყრდენი ხართ სხვებისთვის.
* სალვადორ დალის პორტრეტი - თუ თვალის ერთი შევლებით სალვადორ დალის "საფირმო სილუეტი" დაინახეთ ნახატზე, მაშინ საოცრად მგრძნობიარე ინტელექტუალი ბრძანდებით შემოქმედებითი აზროვნებითა და სამყაროს უნიკალური აღქმით, ყოველთვის თავისუფლად შეგიძლიათ სიმბოლოების, ფარული მინიშნებების ამოცნობა და იმ დეტალების შემჩნევა, რომელთაც სხვები ვერასდროს ხედავენ. მეტიც, თქვენი გონება იდეების ნამდვილი კალეიდოსკოპია, არ გეშინიათ იყოთ ორიგინალური და ყველასგან განსხვავებული, თამამად გამოთქვათ საკუთარი აზრი და გამოხატოთ ინდივიდუალურობა. მართალია, ბევრი ამოუცნობ, ექსცენტრიკულ ადამიანად მიგიჩნევთ, მაგრამ სწორედ იდუმალებაა თქვენი მთავარი ძალა, მით უფრო, რომ სიახლეებს "მოძველებულ სამყაროს" ზუსტად თქვენნაირი ექსცენტრიკული ადამიანები სთავაზობენ.
* გოგონა და წიგნი - თუ პირველ რიგში, გოგონა შეამჩნიეთ წიგნით, მაშინ თქვენი შინაგანი სამყარო გრძნობებზე, ემოციებსა და ღრმა თვითანალიზზეა ორიენტირებული, საკუთარ განცდებზე, შეგრძნებებზე დაკვირვება გახასიათებთ და სიმშვიდე, განმარტოება გჭირდებათ, რადგან პასუხებს აქტუალურ შეკითხვებზე მხოლოდ საკუთარ თავში ეძებთ და არა გარე სამყაროში, მით უფრო, რომ საოცრად ფრთხილი, მგრძნობიარე და შესაძლოა ცოტა მორცხვი, მორიდებული ადამიანი ბრძანდებით, თუმცა ყოველთვის ამჩნევთ სხვისთვის შეუმჩნეველ ნიუანსებს, რაც საკუთარი შემოქმედებითი სამყაროს გამდიდრებაში გეხმარებათ.
* გოგონა ფინჯნით ხელში - თუ ისეთი მცირე დეტალი შენიშნეთ, როგორიც ფინჯანია გოგონას მარჯვენა ხელში, მაშინ საოცრად დაკვირვებული და ყურადღებიანი ადამიანი ხართ მოსმენისა და სხვების ტკივილის გაზიარების უნარით. მეტიც, თქვენი უანგარობა და გულუხვობა ყოველთვის მაგნიტივით იზიდავს გარშემომყოფებს, რომლებიც სწორედ თქვენ მოგმართავენ რჩევისა და დახმარებისთვის, თუმცა, ძალიან იბნევით, როცა თავად გიწევთ მოქმედება და გადაწყვეტილების მიღება.
* სავარძელი - თუ პირველი ელემენტი, რომელიც ნახატზე დაინახეთ, სავარძელი აღმოჩნდა, მაშინ კომფორტი და მყუდროება გიყვართ, ოჯახურ ტრადიციებს, ფასეულობებს აფასებთ და ყველგან უსაფრთხოებას, მორალური საყრდენს ეძებთ. თქვენთვის მთავარი სიმშვიდე და სტაბილური გარემოა განურჩევლად სახლისა თუ სამსახურისა, ამიტომ თვითონ ქმნით მყუდროებას, რაც გარშემომყოფებსაც მრავლად იზიდავს, მით უფრო, რომ თქვენს გვერდით ყველა მშვიდად და უსაფრთხოდ გრძნობენ თავს. მართალია, პირად ურთიერთობაში ერთგულებას აფასებთ და არასდროს ღალატობთ ერთხელ არჩეულ პარტნიორს, მაგრამ კომფორტის შენარჩუნების სურვილით ყველაფრის კონტროლით, ხშირად ოჯახის წევრებსაც ძალიან ღლით და აბეზრებთ თავს.
* მაგიდა - თუ ნახატზე პირველი მაგიდა შეამჩნიეთ, მაშინ საოცრად პრაგმატული, ორგანიზებული ადამიანი ხართ და ყოველთვის ბრწყინვალედ გამოგდით პრიორიტეტების განსაზღვრა. როგორც ჩანს, სწორედ თქვენ ხართ ის, ვისაც ქაოსის სტრუქტურირება შეუძლია, იდეებს კი, ჯერ მოქმედებად, მერე შედეგად აქცევს, ყოველთვის მყარად დგახართ მიწაზე და არასდროს დაფრინავთ ღრუბლებში, ზედმეტი ემოციების გარეშე აფასებთ რეალობას და არც დროს კარგავთ ილუზიებზე, არც რესურსებს, მით უფრო, რომ ნებისმიერ სიტუაციაში ინარჩუნებთ ლოგიკურ, რაციონალურ აზროვნებას და ხშირად საკუთართან ერთად სხვის ქცევაზეც თავად იღებთ პასუხისმგებლობას, თუმცა გარეგნული სიმტკიცითა და პრაგმატულობით ხშირად მეტად მგრძნობიარე, ემოციურ ბუნებას მალავთ.
* ლარნაკი - თუ შუპლიაკის მეტაფორულ ნახატზე პირველი ლარნაკი შენიშნეთ, მაშინ ფაქიზი სულის პატრონი, დახვეწილი და გემოვნებიანი ადამიანი ხართ, რომელიც მუდმივად ბალანსის დაცვასა და ჰარმონიის მოპოვებას ცდილობს. თუმცა, თქვენ არა მხოლოდ გარეგნულად, არამედ შინაგანადაც ნამდვილი ესთეტი ბრძანდებით კარგი ინტუიციითა და სილამაზის აღქმის უნარით, დელიკატურობას, გულწრფელობას და ბუნებრიობას აფასებთ როგორც უცხოებთან, ისე ახლობლებთან ურთიერთობაში, კარგად გრძნობთ სხვების განწყობას და სწრაფად ერგებით ნებისმიერ გარემოს, თუმცა ნაკლებად ამჟღავნებთ საკუთარ გრძნობებსა და ემოციებს, რადგან არასდროს ივიწყებთ, რომ "ყველაზე გამძლე ლარნაკსაც აქვს სუსტი წერტილი, რომელიც უხეშად მოპყრობის შემთხვევაში იბზარება".
